STENBOL - Keyeyê Rayberê PKKî Abdullah Ocalan û 3 hepsîyê bîn, seba pêvînayîşê bi merdimanê xo dir bikerê muracatê Serdozgerîya Komara Bûrsa kerdî, la dozgerî waştişê keyeyan red kerd. Heta nika 65 rey muracatê keyeyan ame redkerdiş.

 

Mehmet û Fatma Ocalan seba Hepisxaneyê Îmralî bi birayê xo Rayberê PKKî Abdullah Ocalanî dir roja dişime pêvînayîş bikerê, bi rayîrê avûkatanê xo muracatê Serdozgerîya Komara Bûrsa kerdî, la serdozgerîya muracatî red kerd. Heto bîn ra keyeyê Omer Hayrî Konar, Hamîlî Yildirim û Veysel Aktaşî Hepisxaneyê Îmralî de zî seba pêvînayîşê bi merdimanê xo dir bikerê bi rayîrê avûkatan muracatê Serdozgerîya Komara Bûrsa kerdî. Muracatê keyeyan ame redkerdiş.

 

Keyeyî 11ê Êlule 2016ine ra 65 rey seba pêvînsyîşî muracatê serdozgerî kenê, la heme muracatê înan bi sebebê “keştî xerabe ya”, “rewşa hewa baş nîyo" û "OHAL" yenê redkerdiş.