Safiye Alagaş

 

AMED - Ekîba Folklorî yê Cinîyê Sûrî seba vejyê ser  sahneyê mîtîngê 8ê Adare amadekarîyê xo temam kerdî. Koma ke do 8 kesî vejyê ser sahne, do kayê ke cinîyan îfade kenê kay bikerê.

 

Koma Folklorê yê Cinîyê Sûrî hîrê serrî verê Amedî bi ameyîşê têhet ameyîşê 25 cinîyan ame awankerdiş. Kome mîhrîcan û bernameyê cinîyan de vejênê ser sehne. Kome bi di aşmîyo seba mîtîngê 8ê Adare Roja Cinîyan Amedî xo amade kenê. Endama koma Bêrîvan Kizile va: "Ma do 8ê Adare de 8 cinî ser sahne de bê. Kaya ma do serê cinîyan de bê."

 

Do 5 kayî bêrê kaykerdiş

 

Bêrîvane dîyar kerde ke do kayê ‘delîlo yê cinîyan', 'rişta', ‘govenda cinîyan’, ‘dîzo’, ‘şuşanê’ kay bikerê û wina va: "Ma do nê kayan bi rengê cinîyan dayî kay bikerê. Goreyê vindertişê 8ê Adare ma do kaya xo bikerê û ma do na roje selam bikerê. Ma çi kêfweşê ke cinîyê sey ma hunerê xo wayîrê 8ê Adare vejyê."

 

'Ma wazenê ke xoverdayîşê ke xoverdayîş bibo terzê cuyayîşî'

 

Bêrîvane dazanayîş ke ê do ferqê girîngîyê 8ê Adare de yê, la ganî manaya ke na roje tena bi rojêke bi sînor nêmaneno. Bêrîvane ard ziwan ke gerek temamê serre heme cayan azad biciwîyê û wina va: "Ma sey cinîyê koma Folklorî yê Sûrî vanê temamê serre 8ê Adare bê û xoverdayîş bibo tarzê ciwîyayîş. Ma vanê ke cinî ciwîyayîşî yê. Ma veng danê heme cinîyan ke 8ê Adare de vejyê waran û govende bigîrê."