Şêrîn Zêrevan

 

QAMIŞLO - Derheqê 8ê Adare Roja Cinîyê Dinya 2018an de cinîyê Kantonê Cizîre ewnîyayîşê xo ardî ziwan û vatî ke ma do hêvî û têkoşînê xo bi ruhê serewedartişê cinîyê Efrînî girs bikerê.

 

Derheqê 8ê Adare Roja Cinîyê Dinya 2018an de cinîyê Kantonê Cizîre yê sazgehê cîya ewnîyayîşê xo seba 8ê Adare ardî ziwan û dîyar kerdî ke ê do roşnîya serewedartişê Arînan û Avestayan 8ê Adara 2018 roşn bikerê.

 

Endama Îdareya Kongreya Stara Kantona Cizîre Welîda Botî seba 8ê Adare wina va: "8ê Adare rojek zaf pîroz a û bi têkoşînêke pîl hetê cinîyan ra ameyo bidestkerdiş. Ma sey Kongreya Star na roja taybet her serre pîroz kenê mesajê yewîya têkoşînê cinîyê dinya danê." 

 

'8ê Adare Şorişê Cinîyê Efrînî yo'

 

Berpirsîyara Kooperatîfa Ekonomîya Cinîyan Hîvda Qamişlo ard ziwan ke 8ê Adare Şorişê Cinîyanê Efrînî yo û wina va: "Ma do roja 8ê Adare bi ruhê xoverdayîşê Efrînî û bi ruhê xoverdayîşê Sakîne û Zîlanan pêşwazî bikerê. Ma do 8ê Adare de sere wedarnê û xo azad bikerê."

 

'Xoverdayîş nasnameyê cinîyê Efrînî yo'

 

Eynî wextî de Îdareya Kongreya Star Mîdya Mehmûde wina va: "Heybetê têkoşînê cinîyê Kurd de 8ê Adara 2018 de veng bidê. Xoverdayîş û serkewtişê xoverdayîşê nasnameyê cinîyê Efrînî yo."