Fîlîz Zeyrek 

 

EDENE - Kumrîya ke bi serran ameya koçberkerdiş, ana ziwan ke semedo ke çîyê ke dîyê û eşnawitê, yê ke verê berê aye re derbaz benê, goş danê. Vengê aye bi lornayîşê aye berz benê. Çîyê ke ameyê cuyayîş kilmanê xo de vanê.

 

Cinî vatişê tarîxî ya. Rîyê xo, qermiçnayeyê mîyanê çimanê xo, ewnîyayîşê xo çîyê ke ameyê cuyayîş qalî kena. Xo, herra xo, kêna, laj û eşqê xo vato. Eke şima taxa Kumrî ra derbaz bîyê qetî şima çend çekuyê Kurdî eşnawitê. Çîyê ke ciwîyaya kurî qalî kena. Seba heskerdoxê azadî lorîyan vana. Kumrîye Oztaş 65 serre ya û serrê 1980an de seba polîtîkayê şer Sêrte ra koçê Dîlok kena. Tîya zî seba Hîzbullah koçê Edene kena. Kumrîye taxa Kuçuk Kirimê Ceyhanê Edene de bi 30 serrî ciwîyena. Kumrîye seba cuya xo dewam bikero karkerîya ramitişî kena. Kumrîye nika semedo ke emrê aye aver şîyo nêşina ramitiş û verê berê xo de fistiqan pak kena.

 

'Kurdî nêqedîyayê do nêqedîyê zî'

 

Kumrîye wina vana: "Ma semedê zulmê dewlete ameyî tîya. Ma herre xo verda û ma ameyî. Ma rojê zehmet ciwîyayî. No welat de ciwîyayîş ma rê zaf vînenê. Bi seyan ciwanê Kurd kewtî binê herre. La kurdî nêqedênê û do nêqedîyê zî."

 

'Engişte mi dejenê'

 

Kumrîye dewam de nê çî vatî: "Ma warê xo de kêfweş bî. Tîya de çi bidê ma merdimî qebul kenê. Ez nika nêeşkena şêrî ramitiş. Ez fistiqan pak kena. Ez çuwalêke 4 rojan de pak kena. Qezencê mi zî mabêne 50-70 TL yo. Kar zehmet o engiştê mi dejenê."

 

Kumrîye hetêk ra têkoşînê ciwîyayîşî da û hetêk ra zî têkoşînê ciwîyayîşê cinî da û va eke ewro cinî wayîrê vatiş bê, xêrê perspektîfê Rayberê PKKî Abdullah Ocalanî yo û wina vva: "Derûdorê ma de şîdetê serê cinîyan zêde yo. Ne name ne zî vatişê cinîyan bi. Bêerj ameyne vînayîş. Ma zî wina bî. La tay bo zî ma xêrê Abdullah Ocalanî ameyî na merhela. Hîn cinî bê destûr nêeşkenê vejyê teber. Ma ra vanê 'şima senîn hende rehet tê geyrenê'. Ma zî vanê ‘îdeolojîya rayberê ma Abdullah Ocalanî bizanê şima do zî azad bibê."

 

Ziwanê Kumrîye ra kilamêke bîn zî herekêna.