ÎZMÎR - Aktîvîsta Piştdayîşê Morî Denîz Uslu derheqê rayşîyayîşê 8ê Adare Roja Cinîyê Dinya yê Îzmîr de virazyeno veng da û dîyar kerde ke ê do hemverê kesê bi şer dir bedenê cinî kenê sey parçeyêke herre ke yena desteserkerdiş, vejyê meydanan.

 

Îzmîr de amadekarîyê 8ê Adare Roja Cinîyan ê Dinya dewam keno û do saete 19.00an de Alsancakî de rayşîyayîşêke bikerê. Rayşîyayîş bi rayberîya Platformê Cinîyan ê Îzmîr virazyo. Aktîvîsta Piştdayîşê Morî Denîz Uslu da znayîş ke zîhniyetê serdest ê camêrdan hewş danê ke bedenê cinîyan bikerê parçeyêke polîtîkayê şer û va do no tarîtî bi têkoşînê cinîyan biqeleşnê.

 

'Do pîrabokê kampusî waran de bê'

 

Denîze da zanayîş ke bi OHALî dir şîdetê camêrdan resayo merhelaya pîl û hewl yeno dayîş ke serdestîyê camêrdan û rolê zayendê komelî heme hucreyê komelî rê bi ca bikerê û va gerek 8ê Adare de piştdayîş bêro rêxistinkerdiş. Denîze dewam de ard ziwan ke ganî heme cinî ê betal, ê wayîrê karî, ê bê doman, ê bi domanî şert û mercê a roje ra xelas bibê û vengê xo 8ê Adare de berz bikerê û va do Pîrabokê Kampusî yê cinîyê ciwanê unîversîte virazênê hemverê polîtîkayê perwerde û zayendperestîyê YOKî vejyê waran.

 

'Hemverê serdestîyê camêrdan'

 

Denîze peynîye qiseykerdişê xo de Roja Cinîyê dinya hemverê îqtîdar, dewlet û heme zemînê bîn, xoverdayîşê cinîyan sembolîze keno û wina dewam kerde: "Ma sey piştdayîşê Morî vanê ma do tarîtî biqeleşnê û ciwîyayîş newe ra awan bikerê. Zîhnîyeto serdest ê camêrdan hewl dano bedenê cinîyan bikero parçeyêke polîtîkayê şer û va do no tarîtî bi têkoşînê cinîyan biqeleşnê. Ma hemverê nê çîyan veng danê ke 8ê Adare de vejyê waran."