ÎZMÎR - Koma Cumartesî do 8ê Adare Roja Cinîyê Dinya de bi cinîyan dir waran de bê. Koma Cumartesî ya serra vîyarte de prosesê referandumî 16ê Nîsane de cepheyê ‘Nê’ de ameyî têhet, bi kilamê ke vatî bale antî. Kome hetê cinîyan ra her şina hîna yena naskerdiş.

 

Endama awankerdoxa kome Ozgu Ozuok a. Kome muzîkjenê profesyonel û yê ke danê enstrumanan ro ameya meydan. Ozgu dîyar kerde ke dimayê referandumî seba 25ê Teşrîna Peyêne û bernameyê cîya yê zî ameyê dawetkerdiş û va na rey zî seba 8ê Adare bêrê têhet. Kome ke bi netîceyê xo newe yenê têhet, hîrê aşmîyo seba 8ê Adare xo amade kenê. Kome nameyê xo Dayîkê Şeme ra girewtê. Bi vatişê xo yê hîcîvî sîstem rexnê kena û heto bîn ra zî ewnîyayîşê cinî tena eşkenê bibê solîst û vokalîst zî ancenê. Kome xebatê xo atolya Komelê Rîtmê Ahura meşnenê. Dimayê 8ê Adare zî pîyabîyayîşê xo dewam kenê.

 

Ozgu da zanayîş ke problemê înan tewr pîl girewtişê hacetê muzîkî yê, nêdîyayîşê sîstemê vengî û nêbîyayîşê atoleye û fînansî yo. Açelya Îçtene zî da zanayîş ke bi muzîkê xo waşto ke piştdayîş bido têkoşînê cinîyan û va nuştişê kilaman, pirodayîşê hacetê muzîkî yê cinîyan zaf girîng o û ganî zêde bibo.