Dîlan Babat 

 

WAN - Cahît Çobandedeyo ke Sîbelcan Yilmaz qetil kerd, 7in roniştişê dewa ey 8ê Adare de do bêro vînayîş. Maya Sîbelcane, Zozan Yilmaze dîyar kerde ke aye seba cinîyê ke ameyê qetilkerdiş edalet wazena û va ganî dewa lezgînî netîce bibo.

 

Şehrîban Dînç, Hafîfe Temel, Kader Ozdemîr, Sîbelcan Yilmaz û bi desan cinîyê bîn, heme muracatê înan bênetîce mendî û ameyî qetilkerdiş. Cinîyê ke qêrînê înan nêame eşnawitiş yew tira Sîbelcane ya û hetê camêrdo ke ey dir amîbî zewicnayîş rastê şîdetê sîstematîk amî. Sîbelcane dewa Tinali ya Elbaqê Wanî de ciwîyayne û 17 serrî ya aye de camêrdo bi nameyê Cahît Çobandede dir amî zewicnayîş. Sîbelcane ke rastê şîdetê sîstematîk ameyne, dewaya veradayîşî akerde û 31ê Gulana 2016 de hetê Cahîtî ra amî qetilkerdiş. Cahît hetê dewijan ra ame tepiştiş û dayî polîsan. Cahît ame tepiştiş la dewa hema zî dewam kena. Cahît 8ê Adare de reya 7ine vejyo vernîya dadgere.

 

'Domana pîzeyê aye de zî kişt'

 

Maya Sîbelcane, Zozane va kêna aye verê çimanê aye de amîya qetilkerdiş û va: "Qêrînayîşê Sîbelcane kesî nêeşnawit. Camêrdo ke kênaya mi kişt, her roniştiş de zuran kêna mi keno. Kênaya mi îşkenceyo giran dîne. Cahîdî domana pîzeyê kênaya mi kişt. Pêwa raporê kênaya mi estbî   Cahîtî ceza nêgirewt. Dadgehe bendeyê çîya?"

 

'Her wext yeno taloqkerdiş'

 

Zozane ard ziwan ke her roniştiş ê bendeyê ke Cahît ceza bigîro û va: "Her rey seba vurnayîşê îfadeyan Cahîd û şahidan roniştiş yeno taloqkerdiş. Ma çend rey bi keyeyê Cahîdî dir qisey kerdî. Ma va îşkence kênaya ma kenê. Vatî do kêna ma bîyarê ma rê. Kiştişê kêna mi keyeyê Cahît o. La reyke keye nêame dadgehe."

 

'Wa cezaya tewr giran bigîro'

 

Zozane vengdayîşê beşdarbîyayîşê roniştişê  8’ê Adare de bêro kerdiş ke û qiseykerdişê xo wina qedêna: "Bi 2 serrî yo ez edalet pawena. Kiştox bi 2 serrî yo vano ez poşman a. Hewl dano bi heyetî bido bawerkerdiş. La Cahîd vejyo do bêro mi bikşo. Ey wina vato. Cahît cezaya tewr giran heq keno. Wa dewayê kiştoxê cinîyan wina derg nêbê. Ma edalet wazenê."