WAN - F. ya ke esteyê lajê xo yê serrê 1990 de pêrodayîşêke de cuya xo vinî kerd geyrena, dîyar kerde ke tewr peyîn musaya ke esteyê lajê aye Şehîdgehê Herekolî yê Sêrtî de yo, seba hêrişê vera goristanan reyke bîn zî vinî kerde. F. dîyar kerde ke este bibê zî do hestreta aye gorê ey de bi peynî bibo û wina va: "Dimayê ke este gor ra vejyayî dima reyna esteyê ey vindî bîyê. Ez nêzana ez do hîna çend rey bimrî. Mi reyna esteyê lajê xo vindî kerd."

 

Hêrişê hemverê goristanê Kurdistanî de bi seyan gorî ameyî texrîbkerdiş û nameyê serê goristanan ameyî pakkerdiş. Heto bîn ra aşma Kanûne de 27 cenazeyê ke aîdê PKKijan ke Şehîdgehê Garzanî yê dewa Oleka Cor ê Tetwanê Bedlîsî de ameyî vetiş û eşrawitê Sazgehê Tipê Edlî yê Stenbolî. Mayê ke domanê înan reyke ameybî vindîkerdiş reya diyîn dej ancenê. F. ya ke lajê xo 1990 de vindî kerd û seba gorêke lajê aye bibo şî her ca û wina va: "Mi tam esteyê ey dî la reyna seba hêrişan mi vinî kerd. Ez bi serran geyreya. Mi testê DNA kerd. Tewr peynî ma musayî ke esteyê ey Mintiqaya Herekol ameyê vînayîş. Esteyê ey bibê zî hesretê mi bi gorêke peynî bibayne. Dimayê ke gor ameyî akerdiş, esteyî ameyî vînayîş la mi reyna vindî kerd. Ez nêzena hama çend rey bimrî. Xora merdê çi esteyan ra wazenê."

 

H.B. zî reaksîyon mojna hemverê gorê kêna aye Goristanê Suphanî yê Qezaya Îpekyolê Wanî de ameyo kerdiş û wina va: "Domanê ma yenê vindîkerdiş û tena ma bi gorê înan teselî vînenê. La hemverê nê çî zî tehemulê înan çin o. Mi 6 serrê verî kêna xo bombebardumanê Koyê Çirav ê Sêrtî de vindî kerd. Çira goran ra tersenê? Êdî nêciwîyenê. Çi zirarê înan şima rê esto? Ez şîya serê gorî mi dî ke esteyê aye vetê. No dejêke pîl o. Wa esteyê domananê ma ra dûr vinderê."