Şêrîn Zêrevan 

 

QAMIŞLO - Hemsereka MSDî Îlham Ehmede derheqê 8ê Adare Roja Cinîyê Kedkar ê Dinya de ard ziwan ke cinîyê têkoşer ke senîn Efrîn de xo ver danê bi eynî ruhê 8ê Adarê pîroz bikerê û bi vengê serewedartişî biqîrê.

 

Hemsereka MSDî Îlham Ehmede derheqê 8ê Adare Roja Cinîyê Kedkar ê Dinya de ard ziwan ke ê do 8ê Adare de vera teda û çewisnayîşê serê cinîyan têkoşîn bikerê û waran de vengê serewedartişî berz bikerê.

 

Îlham Ehmede dîyar kerde ke ganî heme cinîyê dinya hemverê teda û çewisnayîşî pîya bê û wina va: "Heme dinya de heqê cinîyan yeno werdiş. Bazirganiyo pîl ser bedenê cinîyan de yeno meşnayîş. Seba cinî nêrê pelçiqnayîş û heqê xo bi dest bikerê gerek heme cinî bibê yew û hemverê sîstemê ke cinîyan pelçiqnenê xo ver bidê."

 

'Têkoşerê cinî Rojawan de bi serewedartiş û çime' 

 

Îlhamê dewamê qiseykerdişê xo de bale ante ser têkoşerê cinî yê Rojawanî û wina va: "Çalakîya Arîn Mîrkan, Avesta Xabûr seba têkoşînê hemverê pelçiqnayîşê cinîyan, xeylê manayîn bi. Na çalakîye seba pawitişê heqê heme cinîyê dinya bi. Ganî heme cinîyê dinya hemverê hêrişê ser Efrînî bê veng nêmanê û bi zerrîyake hempar vengê xo berz bikerê."

 

'Ma do 8ê Adare de waran veng nêverdê û vengê azadî biqîrê' 

 

Îlhame peynîye qiseykerdişê xo de wina va: "Vengdayîşê mi heme cinîyê dinya rê esto ke 8ê Adare de waran veng nêverdê û vengê azadî biqîrê. Ganî ma heme cinî hemverê heme reng û tewirê îşgalkerdişî sere wedarnê û bêveng nêmanê."