AMED - "Islah Projesî" yo ke serê Çemê Dîcle de ame destpêkerdiş, heta Fîskaya ame. Proje sey sebeb ame mojnarayîş û hemwelatîyê ke Kuçeyê Ferîtkoşku teblîgatê "Keyeyê xo veng bikerê" ame eşrawitiş.

 

Çemê Dîcle ke hetê Wezaretê Bajarwanî û Derûdorê "Warê Projeyê Taybet" ame îlankerdiş yeno texrîpkeridş. Daristanî yenê çinkerdiş, Çemê Dîcle bi kanê qûmî yeno lêşinkerdiş. Na rey zî Mudirîyê DSÎ "Projeyê Islahî yê Çemê Dîcle" kerd dewre.

 

Xeylê darî ameyî birnayîş! 

 

Çarçeweya "Projeyê Islahî" de xeylê darî ameyî birnayîş. Çemo ke bi kanê qûmî yeno lêşinkerdiş bi no proje hîna zêde yeno texrîbkerdiş. Bi no hawa kerdişî winasî ganeyê ke çem de yê ameyî çinkerdiş û warê ciwîyayîşê înan destê înan ra ame girewtiş.

 

Do ciwîyayîşê ganeyan senîn bibo?

 

Serekîya Pawitişê Bajarwanî yê Şaredarîya Bajarê Gird ya Amedî ke qayyim tayin bi û piştdayîş dano no proje. Heto bîn ra Çemê Dîcle de ganeyê ke neslê înan bi çinbîyayîşî şino sey stargehêke Bi no proje xeylê ganeyî bi tehlukeyê çinbîyayîşî dir rî bi rî manenê.

 

'Bi serranoke wazenê ma tîya ra vejê'

 

Çarçeweya proje de hemwelatîyê ke Fîskaya ciwîyenê zî teblîgatê "keyeyê xo ra vejyê" ame eşrawitiş. Teblîgatê ke hetê Şaredarîya Gird ya Amedî ameyê eşrawitiş de sey sebebê "Projeyê Islahî" yeno mojnarayîş.

 

Keyeyê ke reaksîyon mojna ra teblîgatê ke înan ra ameyo eşrawitiş wina vatî: "Ma şandînan êdî nêeşkenê rakoyê. Kilmî ma ra vanê tîya ra şêrê.' Bi serran o ke seba ke ma tîya ra ma şênê heme çî kerdî. Ma nêwazenê keyeyê xo terk bikerê."