Leyla Ozkaynak-Evrîm Kepenek

 

STENBOL - PAwitoxa heqê merdiman Eren Keskîne dîyar kerde ke îhlalkerdişê heqan ke hepisxanan de resayo merhelaya en cor û wina va: "Îhlalkerdiş serrê 90an de ke ma ciwîyayî, ma nika zî ciwîyenê. Wexto ke ma sebebê ci pers kenê, cewabê înan esto no zî OHAL o. Yanî nika tu huqûq derbaz nêbeno."

 

Avûkat Eren Keskîne ke derheqê aye de 143 dewa ameyê akerdiş û bi 30 serre têkoşînê heqê merdiman de ca gêna, derheqê îhlalkerdişê heqan û tedayê ke hepisxanan de prosesê OHALî ra zêde bîyê şîrove kerde.

 

Erene dîyar kerde ke cinîyê hepisxaneyî her wext xo binê tacîzî de hîs kenê û hîn hepisxaneyan de derbazê sîstemê leşkerî bîyê û wina va: "Wextê hûmartîşî de wazenê hepsî wirzê serê lingan. Wazenê dîsîplînê leşkerî de vinderê. Hepsîyê ke nê çî qebul nêkenê, nêvejenê pêvînayîşYanî ma caardişê serrê 90an ciwîyenê. Wexto ke ma cewabê ci pers kenê vanê OHAL o. Yanî tu huqûq tîya de derbaz nêbeno."

 

'Çîyê ke qij de qedexeyê keyeyî anê'

 

Erene dewamê qiseykerdişê xo de da zanayîş ke wexto ke hepsîyê nêweş benê nêweşxane û roniştişan, leşkerî caardişê xirab kenê û va: "Muracatê tewr zêde hepsîyê nêweşan ra yenê. Xeylê hepsîyê cinî estê. Derheqê caardişê xirab yê leşkeran de muracatî yenê. Dermankerdişê hepsîyan yeno astengkerdiş. Vanê OHAL esto."

 

'Hemverê heme peyman û metodê huqûqî yê'

 

Erenê derheqê îşkenceyê ‘caardişê cilê yew reng’ de zî ewnîyayîşê xo ard ziwan û va sey ÎHD zî vera caarişê cilê yew reng têkoşînê xo meşnenê û va no caardiş hem mîlîter û hem zî têduşt nîyo. Erene ard ziwan ke caardişê nika hepisxane de hem vera huqûqê mîyanneteweyî hem zî huqûqê zerrî yo şert û mercê 12 Êlule ra giran yeno meşnayîş."

 

'Vera nasnameyê zayendî hêriş esto'

 

Erene derheqê kesê LGBTÎ yê hepisxane de binê tecrîdî de yenê girewtiş de zî qisey kerde û va rastê îhlalkerdişê heqan yenê û va nê kesî tena hetê dewlete ra nê hetê komelî ra zî rastê nêheqîyan yenê.

 

Qerar dadgehe dana

 

Erene nê çî ardî ziwan: "Nika hepisxanan de bi hezaran kesê heqê azadîya fikr û ramanî xebitnayo. Ma Demîrtaş nimûne bidê. Demîrtaş tena seba ke îfade kerdo, nika hepisxane de yo. Nimûne Mehmet Altan û Ahmet Altan. Nê kesan emrê xo de çek nêgirewtê. La seba 'wedartişê çekî' cezaya muebetî gênê. Yanî nika Tirkîya de huqûq çin o. No prosesî de heme dadger û dozger tersenê."