Şehrîban Aslan

 

AMED - Bexçeyê Hewselî û Newala Dîcle hetê Wezîrîya Dorme û Bajarî ra sey ‘Warê Projeyo Taybet’ ameybî îlankerdiş û çarçeweya projeyî de cuya heme gandaran kewta tehluke. Çarçeweya xebatan de hewl dîyeno ke proje bi destê çapemenî bêro meşrukerdiş.

 

Erdê ke ser de berardiş yenê kerdiş, bin nameyê ‘projeyî’ de yenê çinkerdiş. Baxçeyê Hewselî wayirê tarîxêko 8 hezar serrî yo û Newala Dîcleyî zî qada şaristanî ya. labelê wirdî zî çinbîyayişî reyde rî bi rî yî.

 

Do rewşa gardar senî biba?

 

Çapemenî de pesnê projeyî yenê dayiş, labelê derheqê gandarê awe de çîyêk nîno vatiş. Çapemenî de cewabê gandarê aw û herême nîno dayiş. Newala Dîcle seba gardaran stargeh a. Eke proje bikewo dewre, cuya 46 tewirê maseyan kewena tehluke û do xeylê tewirê balindeyan biqedîyî.