AMED- Azîze Aya ke domanîya xo ra nata futbol ra zaf hes kena, îmkanê kaykerdişî nêdîya û badê 48 serrî xeyalê xo ardbî ca. Azîze badê ke Dîyabekîrsporî de dest bi futbolî kerde, badê 2 serran taxim ra ameye vetiş.

 

Azîze Aya ke domanîya xo ra nata futbol ra zaf hes kena, îmkanê kaykerdişî nêdîya û badê 48 serrî Dîyabekîrsporî de dest bi futbolî kerde. Azîzeye badê 2 serran taxim ra ameye vetiş.

 

Azîze (50) bi heskerdişê xo yê futbolî bîye babeta xebetane. Azîzeye dîyar kena ke aye heskerdoxê fiutbolî ya û xeyalê aye nîmcet mendî.

 

'Seba ke mi roportaj daye ez ameya eştiş’

 

Azîzeye qiseykerdişê xo de arde ziwan ke seba ke roportaj daya taxim ra ameya eştiş û wina va: “Ez xebatanê xo de bi îdîa ya. TVyêk waşt ke mi reyde roportaj bikero. Mi antrenorî rê va û ê zî vatî ‘bide.’ Badê ke mi roportaj daye, Serekê Dîyarbakirsporî Îhsan Yapiciyî mi rê va ‘tîya cayê şovî nîyo.’ Waştî ke vîşêrê futbolî ez sewbîna beşêk de bixebita. Labelê mi qebul nêkerd.

 

'Ez nêwazena fek futbolî ra vera bida’

 

Azîzeye qiseykerdişê xo yê peyênan de va 'Ez nêwazena fek futbolî ra vera bida’ û wina va: “Ez wezîfeyê kalecîyî daxî qebul nêkena. 3 aşmî yo ke ez futbolî ra bîya. Futbol vînayişê mi yê cuye ya. taximê futbol yê cinîyan Amedspor esto. Eke tabel bêro ez do qebul bikera. Seba antrenorî mi belgeyê xo temam kerde. Ez wazena ke antrenrî zî bikera.”

 

Seba ke ma sebebê eştişê Azîze Aye bimusî, ma Serekê Dîyarbakirsporî Îhsan Yapiciyî gêrayî, labelê cewab nêda telefonanê ma.