Ronîda Hacî 

 

HESEKÊ - Cinîya bi nameyê Hesîna Hesen pêwa ke linga aye astengdar a zî, ewro bi îradeyêke pîl û bi xîret xebityena û têkoşînê cu dana.

 

Hesîna Hesen 42 serrî ya û Taxa Til Hecerî yê  Bajarê  Hesekî de cuyena. Hesîna bi hawayêke asteng maya xo ra bîya. Pêwa ke asteng a bi kede û ereqê mîyanê çimanê xo xebityena, debara keyeyê xo kena. Bi nêzdîyê 7 serrî yo dikanêke akerdo û pê debara xo kena.

 

'Bawerî û hêzê merdiman heme astengîyan eşkeno bi ser biko'

 

Hesîna da zanayîş ke wexto ke îradeyê merdim xurt bo, tu astengî hemverê merdiman nêeşkena bibo asteng û wina va: "Seba ke ez bîyayîşê xo îspat bikerî û hetkarîya keyeyê xo biker, ganî ez bi bawerî û bi hêz bî. Bawerî û hêzê merdiman eşkenê heme astengîyan wedarnê. Mi nêverda astengîya mi ameyoxêmi tarî bikero û no semed ra mi qetî fek têkoşînê xo ra vera nêda."

 

'Komel bêkeda cinî nêeşkeno aver şêro'

 

Hesîna bale ant serê girîngîyê kede cinîyan ê seba komelî û wina va: "Komel bê keda cinî nêeşkeno aver şêro. No semed ra gerek keda cinîyan rê wayîr bêro vetiş. Ganî heme warê cuyayîşî de keda cinî bêro vînayîş û erje vatişê bêro vînayîş.

 

'Ganî cinî bi ekonomîya xo hişmendîyê îqtîdarî wedarno'

 

Hesîna da zanayîş ke ganî cinî bi ekonomîya xo hişmendîyê îqtîdarî wedarnê û wina va: "Keda cinîyan a pîroz rayîr heme averşîyayîşan akena. La hişmendîyê îqtîdarî keda cinî pelçiqneno. No semed ra lazimo ke cinî hemverê hişmendîyê îqtîdarî sere wedarnê, xo warê ekonomî de aver berê û têkoşînê xo berz bikerê."