Melike Aydın

 

ÎZMÎR - Verfeka  Însyatîfê Piştdayîşê bi Hepisxaneyan ê Îzmîrê Selma Altane, îhlalkerdişê heqan ê hepisxaneyê Ege qalî kerde. Selma ard ziwan ke bi hêrişê Efrînî hêriş zêde bî û va ferzkerdişê "cilê yewreng" ê ser hepsîyê sey îşkenceyê. 

 

Verfeka  Însyatîfê Piştdayîşê bi Hepisxaneyê ê Îzmîrî Selma Altane dîyar kerde ke bi KHKyî hukmatê AKPî vet û bi polîtîkayê şer hepisxaneyan de zêde bîyo. Selma derheqê netîceyê muafgirewtişê sîvîlan ê caza û "cilê yewreng" qisey kerde.

 

'Kesê ke hemverê cilê yewreng sere wedarnenê îşkence înan rê yeno kerdiş'

 

Selma ard ziwan ke caardişê "Cilê yewreng" bi behaneyê FETOyî Kurdan yeno ferzkerdiş. Xeylê hepsîyê ke hîn sucê înan nêameyo îspatkerdiş bi  caardişê "cilê yewreng" rûmetê înan yeno şiknayîş. Kesê ke hemverê nê çî vindenê, tehdîd ro înan yeno kerdiş û Selma va ke hepisxaneyê ke kapasîteyê înan 180 yo vejyaw 230 kesî.

 

'Dimayê hêrişê serê Efrînî tedayî zêde bî'

 

Selma ard ziwan ke dimayê hêrişê Efrînî teda zêde bîyê û hepisxaneyê Egeyî de tecrîd zêde beno. Selma da zanayîş ke her roje hepsî surgun benê, cigêrayîşê viran yeno ferzkerdiş, nîmeyê şewe bi tedayan hepsî yenê tehrîkkerdiş, kesê ke hemverê tedayan vejênê yenê îşkencekerdiş. Selma da zanayîş ke dayîşê kitaban sînor kerdê, Hepisxaneyê Menemenî de qet kitab nîno dayîş û xêrcê Kuranî kitab nîno dayîş.

 

'Dîcleya ke roqilaya aye teber de yê nîna emelîyatkerdiş'

 

Selma ard ziwan ke Hepisxaneyê Tipê R ê Menemenî hepsî sewqê xo red kenê û sere wedarnenê, hepsî nînê tedawîkerdiş. Her roje serê siba heta şan de bi vengo berz radyo bi înan danê goşdarîkerdiş û wina bi înan îşkence yeno kerdiş. Eynî wextî de Selma ard ziwan ke Ergîn Aktaşo ke destê ey çin ê, kerdê hucreyê yew kesî û seba ke nêeşkeno xo bişo bi nêweşîya mantarî kewto.  Heto bîn ra pot nêdanê Ahmet Hemîyo ke warî ra cêr felc o û sewqê merkezê tedawî yê teberî zî nînê kerdiş. Eynî wextî de Ahmeto ke Tirkî nizano, waştişnameyê bi Tirkî yeno waştiş. Selma da zanayîş ke Dicle Bozana ke  Xarpit ra ameya surgunkerdiş û lingekê aye tirakerdî û roqilayê aye tebera yê ganî emelîyat bibo la nîna emeliyatkerdiş.

 

'Waştişê Yusuf Bulutî ê sewqkerdişî nîno qebulkerdiş'

 

Selma ard ziwan Yusuf Buluto ke Hepisxaneyê Tîpê R ê Menemenî de waştişê ey sewqî ameyo betalkerdiş û kitabê ey zî destê ey ra girewtê, heta rojname zî nêdanê û dimayê pêvînayîşî avûkatan, eştê serê koxuşe.

 

'Xêrcê pêyewgirewtişî çareserî çin o'

 

Selma da zanayîş ke amancê tedayan bêvengverdiş o û va xêrcê pêyewgirewtîşî çareserîya ma çin a.