MÊRDÎN - Ame zanayîş ke seba rijnayîşê 32 goristanê aîdî şerwanê HPG, YJA Star, YPSî û serê nuştişê sey "şehîd" yeno nuştiş û beyraqe ser de, Mudirîyê Emnîyetê Qoserî şaredarî rê nuşte eşrawito. Û ame zanayîş ke wext dayê keyeyan.

 

Ame zanayîş ke seba rijnayîşê goristanê qezaya Qoserî yê Amedî Mudirîyê Emnîyetê Qeza şaredarî rê nuşte eşrawitê. Goreyê nuştişê ke şaredarî rê ameyê eşrawitiş, ganî sîyê ke ser nuşteyê "şehîd" ameyê nuştiş û "beyraqe" ser estê gerek bêrê şiktiş û vera înan sîyê newe bêrê dayîş. Dimayê talîmatî kepçe eşrawitî goristan.

 

Polîsan keyeyan tehdîd kerdî

 

Ame zanayîş ke polîsan vizîr Goristanê Mezopotamya keyeyan tehdîd kerdê û vatê: "Nê sîyan bivurnê, eke şima nêvurnê ma do bivurnê."

 

Hemwelatîyan zî reaksîyon hemverê polîsan mojnayî ra û vatî: "Tena no mendib, şima no zî biardê sereyê ma? Ne ma vurnenê, ne zî ma verdêne ke şima bivurnê."