ÎZMÎR - Emîneye dîyar kerde ke roja dest pêkerdişê hêrişanê vera Efrînî ra nata dîktatorî ameyo îlankerdiş û butçeya şer hemwelatîyan ra yena girewtiş.

 

Tirkîya de rewşa hemsencî her ke şona hîna xirab bena û polîtîkayê şer ver feqîrî zêde bena. Butçeya ekonomîya 2018î zî do seba sermayeya herêm. Babete ser o Endama Platformê Ma do Kiştişê Cinîyan Bivindernî Emîne Sozudogruye qisey kerde û dîyar kerde ke butçe seba pawitiş û dîyanetî yena cîyakerdişe.

 

Emîne destpêkê qiseykerdişê xo de wina va: “Hukmat îdîa keno ke butçeya tewr zêde seba perwerdeyî yena cîyakerdiş. Labelê yeno zanayiş ke seba perwerdeyî rê sera 8.8 butçe ameyo cîyakerdiş. Seba weşî zî pereyo tewr zêde tekelê dermanan rê ameyo cîyakerdiş.”

 

‘Pereyê şer cêba hemwelatîyan ra vejîyeno’

 

Emîne dewamê qiseykerdişê xo de wina va: “Seba Dîyanet sera 13.7, seba Wezîrîya Pawitişî zî sera 41.7 û seba Fermandarîya Pêroyî ya Cendermeyan rê zî sera 86 pere ameyo cîyakerdiş. Butçeya şer cêba feqîr û heme hemwelatîyan ra yena birînayiş. Sîstemê bacî koletîya modern rêxistin keno. butçeya 2017î sera 17 cezayan rap ê yena û ya emserr zî resaya 31.5î. butçe ta tewr zêde şer para xo gêna.”