MÊRDÎN - Hepisxaneyê Girewteyê Tîpê E yê Mêrdînî aşma peyînan de her wext bi surgunan kewtêne rojeve. Nika tena 3 cinî koxuşan de mendê.

 

Dimayê OHALî ra her roje tedayêke newe hepisxanan de zêde beno. Ame zanayîş ke pêwa surgunan tena hîrê cinî Hepisxaneyê Girewteyê Tîpa E yê Mêrdînî de mendê. Xeylê cinîyê ke hepisxaneyê Mêrdînî de mendêne xeylê xo eşrawitî Bayburt, Tarsûs û Xarpêt.

 

Yeno pawitiş ke 3 cinîyê ke Hepisxaneyê Mêrdînî mendê surgunê hepisxaneyê cîya bikerê. Heto bîn ra hêrişê ser hepsîyê camêrdan zêde benê. Ame zanayîş ke hepsîyan nêbenê nêweşxane, dest dayê ser kitab û cilê înan ê zêde. Eynî wextî de keye û merdimê hepsîyan da zanayîş ke têkoşînê hepsîyan ê hemverê cilê yewreng dewam keno.