Fîlîz Zeyrek 

 

EDENE - Cinîyê Edene dîyar kerdî ke polîtîkayê îqtîdarî û fetwayê dîyanetî teşwîqê îstîsmarê domanan keno û ardî ziwan ke hemverê îstîsmarê domanan hêzê  rêxistinkerdişî ferz o.

 

Qezaya Yuregîrê Edene 10ê Sibate de domana hîrê serrî hetê camêrdo bi nameyê Sedat Keser ra rastê îstîsmaro zayendî amî û reaksîyonê hemverê hedîse her ke şinê zêde benê. Sereka Şubeyê Egîtîm Senê Edeneyî Seçîl Sonmeze reaksîyon mojna û dîyar kerde ke polîtîkayê îqtîdarî û fetwayê dîyanetî teşwîqê îstîsmarê domanan keno û wina va: "Gerek dewlete seba înan qanûnê taybet vejo. Gerek hukm cezaya lazim bido înan. Ganî nê sucdarî her roje bi xo dir birê rî yew. Babeta îstîsmaro zayendî de berpirsîyarî kono serê milê dayîk û pîyan. Ganî dayîk û pî her di zayendan zî sey merdiman bi domanan bidê zanayîş. Gerek bimojnê ke vera şîdetê camêrdan çiqas xurt ê. Gerek perwerdeyê hêzê cinîyan bê sînor bêro dayîş. Bi xêrê hêz û çimê huyayîşê cinî û domanan do na dinya weşik bibo. Tena çîyêk esto, ganî cinî bibê yew."

 

'Bi kodê komelî kay kerdî'

 

Platformê Cinîyan Edeneyî Çîgdem Guvercîne zî reaksîyonê xo wina ard ziwan: "Bi kodê kulturî kay kerdî. Tacîzkarê domanan ameyî nimtiş, zayendê cinîyan ame qijvistiş. Verê fîlman de ma vatişê 'tevgerê xelisnayîşî de vernê cinî û doman' eşnawitêne. Nê koman nêtudîştî meydan ra wedartî. Nika ma bi komêke ke ferasetê camêrdan wayîr benê dir rî bi rî yê. Dewlete heqê cinîyan heme çin kerdê. Gerek têduştîyê zayendê komelî mekteban bibo parçeyêke mufredatî yo. Hemverê îstîsmarê domanan hêzê rêxistinkerdişê ferz o. Çare tena ceza nîyo. Perwerdeyê rast û cezayê hepisxaneyî eşkeno bibo çareserî."

 

Beyhan Postaci zî da zanayîş ke ê bi ferasetê camêrdê yê sapik dir rî bi rî yê û ard ziwan ke têkoşîno hempar ê cinîyan û hîsgêrîyê komelî eşkenê vernîye îstîsmarê domanan bigîrê.