Safiye Alagaş 

 

AMED - Derheqê Parlamentera HDPî ya Amedî Çaglar Demîrele qiseykerdişê aye îzahatê çapemenî de, beşdarbîyayîşê kombîyayîşan û parekerdişê çapemenîya komelî sebeb ame mojnayîş û 5 fezlekeyê newe ameyî amadekerdiş. Fezleke eşrawitî Komîsyonê Destûrê Bingehîn ê TBMMî. 

 

Derheqê Parlamentera HDPî ya Amedî Çaglar Demîrele de ke çarçeweya operasyonê qirkerdişê sîyasî de tewqîfkerdeya, seba qiseykerdişê aye bernameyê tarîxî cîya de kerda, parekerdişê serê çapemenîya komelî û hêrişê DAÎŞî şermezar kerda, 5 fezleke ameyî amadekerdiş. Çaglare 14ê Temmuza 2016an de Goristanê Yenîkoyê Amedî beşdarê vîrardişêke bî û Kemal Pîr, Hayrî Durmuş, Akîf Yilmaz û Alî Çîçek yê roceyê merdişî yê 14ê Temmuze de cuya xo vinî kerdibî û dewamê qiseykerdişê xo de dîyar kerdebî ke Sûr, Nisêbîn, Cizîr û Sîlopi ke qedexeyê vejyayîşê teberî ameyo îlankerdiş tarîxê xoverdayîşî newe ra ameyo nuştiş.

 

Serdozgerîya Komara ya Amedî derheqê vîrardişî de cigêrayîş da destpêkerdiş û ame vatiş ke peynîya vîrardişî de deqeyêke rêz ameyo girewtiş û derheqê Çaglare de bi îdiaya ‘ Komara Tirk û hukmatê Tirkîya qij visto' û ‘propagandayê rêxistinê çekdarî kerda' fezleke amade kerd. Heme çî suc ame hesibnayîş. Dozgerîye derheqê Çaglare de bi sebebê 5ê Êlule 2016an de serê çapemenîya komelî ‘propagandayê rêxistine kerda’ îxbar şîyo Mudirîyetê Şubeyê Elektronîkî û netîceyê  îxbarî de cigêrayîş ameyo destpêkerdiş. Hesabê aye Twîtter ame cigêrayîş û hîn parekerdişê Çaglare ameyî îdîakerdiş ke 'suc' ê. Eynî wextî de qiseykerdişê Çaglare ya 4ê Teşrîna Peyêne 2016an de Amed de ameyo kerdiş û bi îdiaya ‘Komara Tirkîya qij fînaya' fezleke ame amadekerdiş. 21ê teşrîna verêne 2016an de Amed de DBPî Salona Sporî ya Şaredarîya Kayapinarî de kombîyayîşêke viraştib. Serdozgerîya Komara ya Amedî parekerdişê derheqê kombîyayîşê ê serê çapemenîya komelî suc hesibna û bi îdiaya ‘ propagandaya rêxistine kerda’ ‘pesnê sûc û sucdaran kerda’ fezleke amade kerd. Reyna Serekîya Xizmetê Huqûqî yê TBMMî 2ê Gulana 2016an de derheqê Çaglare de Serdozgerîya Komara ya Enqere rê gerre kerd. Waştişname de ame vatiş ke 2ê Gulana de blokê komîsyonê awanîyê têkilîyê bi şarî yê TBMMî salona hîrêne de kesê bi komî Komîsyonê Destûra Bingehîn terk kerdê sloganê ‘bicuyo serek apo’, ‘ma do qezenc bikerê’ berz kerdê û marşê gerîla vatê û derbazê salona kombîyayîşî bîyê. Dozgerîye derheqê Çaglare de goreyê maddeya 83in ê Destûrê Bingehîn waşt ke destnêdayîş wirzo. Dozgerîyê her 5 fezleke eşrawitî meclîse.