Şehrîban Aslan

 

AMED - Prosesê peyîn de  HDP, HDK û DBPî de cinî hedef yenê girewtiş. Verfeka Meclîsê Cinîyan ê DBPî Sevîm Adsoye dîyar kerde ke teda, tepiştiş û tewqîfkerdiş seba vernîye cinîyan bêro girewtiş yenê kerdiş û bi no rayîrî wazenê cinîyan hepsê keyeyî bikerê.

 

Wextê peyîn de operasyonê qirkerdişê sîyasî de yê ke zafê xo ameyê tepiştiş cinî yê. Dimayê hemsereka KCDî Leyla Guvene amî tepiştiş ra dima hemserekê pêroyî yê DBPî Mehmet Arslan zî ame tepiştiş û dima ra operasyonê tepiştişan ame kerdiş. Aktîvîsta TJAyî Ayşe Gokkan,  Hemsereka Pêroyî ya Verê ê HDPî Serpîl Kemalbay, Temsîlkara Hemsereka Pêroyî ya DBPî Hacer Ozdemîr û xeylê kesê bîn ameyî tepiştiş. Endama Dîwana KCDî Salîha Aydenîze dîyar kerde ke wextê peyînan de operasyonê sîyasî zêde bîyê.

 

‘Wazenê ma dest têkoşîn ra vera bidê’

 

Salîha ard ziwan ke bi operasyonan wazenê mesajê dest têkoşînî ra vera bidê û wina va: “Verê kongreya HDPî Aktîvîsta TJAyî Ayşe Gokkan,  Hemsereka Pêroyî ya Verê yê HDPî Serpîl Kemalbay, Temîlkara Hemsereka Pêroyîya DBPî Hacer Ozdemîr û xeylê kesê b3in ameyî tepiştiş. No yeno manaya ke fek kultur, ziwan û herra x ora vera dê yo.”

 

‘Ma dest têkoşîn ra vera nêdê’

 

Salîha dewamê qiseykrdişê xo de operasyonê qirkerdişê sîyasî yê KCKî yê 2009in de ard vîr û wina va: “Şarî o wext xo ver da, do ewro zî xo ver bidê. Dimayê hewldayîşê derbeyê 15ê Temmuze ra dima OHALo ke ame îlankerdiş hukmatî derbeyê xo dewam kerd. No semed ra ma do têkoşînê xo yê seba aştî û demokrasî dewam bikerê. Kongreya HDPî de şar mesajê ma wayîrê têkoşînê xo vejenê daw.”

 

‘Ma do peyser gaman nêerzê’

 

Verfeka Meclîsê Cinîyan ê DBPî Sevîm Adsoye zî ard ziwan ke tepiştiş û tewqîfkerdiş hemverê cinîyan o û va: “Bi tepiştiş, teda ü tewqîfkerdişan wazenê cinîyan hepê keyeyan bikerê. Wazenê tena biewnê domanan ra, pakitî bikerê û camêrdan rê xizmet bikerê. La wa her kes baş bizono kem a tevgêreke game peyser bierzê nîye. Ma sîyasetê demokratîk de estê. Sozê ma estê. Pêwa hme astengîyan ma do wezîfeyê xo dewam bikerê.”