Medîne Mamedoglu

 

MÊRDÎN - Parlamentera HDPi ya Mêrdînî Gulser Yildirime dewaya ke bi îdiaya ‘endamîya rêxistine’ ra tepişnaye yena hukmkerdiş, do reya yewin vejyo vera dadgere. Avûkat Reyhan Yalçindage dîyar kerde ke b idi serrî heqê pawitişê muvekîlê aye yeno îhlalkerdiş û wina va: “Muvekîla mi seba çareserîya problemê Kurd hacetê demokratîk arda ziwan. No semed ra ewro hepisxane de ya.”

 

Gulser Yildirime 4ê teşrîna peyêne 2016 de operasyonê hemverê HDPî de amî tepiştiş û hîrên roniştişê dosya 18 Sibate de 3in dadgeha Cezaya Giran ya Mêrdînî de bêro vînayîş. Do qerarê dadgere de Gulsere hepisxaneyê Kandrayî bîyarê roniştiş û seba Gulsere ‘endamîya rêxistine’ ra mabêne   5 û 15 serran de ceza yena waştiş. Prosesê hukmkerdişê di seran de seba Gulsere SEGBÎS red kerda pawitişê xo nêeşka bikero. Avûkata Gulsere, Reyhan Yalçindage dîyar kerde ke muvekîla aye seba xeylê îzahat û bernameyê seba parlamenterîya xo kerda, nika yena hukmkerdiş.

 

Reyhane da zanayîş ke roja ke Gulsere ameya tepiştiş, heta nika hukmkerdişê aye adîlane ameyo îhlalkerdiş û wina va: “Goreyê xeylê îçtîhadê Dadgeha Heqê Merdiman ê Ewropa,  karê sîyasetmedaran meşnayîşê sîyasetî yo. No het de azadîya sîyasî û îfadeyê ke yenê xebitnayîş ê. Aktivîstê ke partî bi ca anê. Binê pawitişê destûrê bingehîn de yê. La ma eşkenê vajê, xeylê heqê înan sereyîn de azadîya îfadeyî û meşnayîşê faalîyetan, yenê îhlalkerdiş. Bi di serrî yo hîna muvekîla mi pawitişê xo nêkerdo.

 

'Seba çareserîya problemê Kurd hacetê demokratîk ardî ziwan’

 

Reyhane ard ziwan ke Gulsere bajarê ke dosya û avûkata aye dûrê hepisxaneyê Kandra de yena tepiştiş û va muvekîla aye wazena bixo beşdarê roniştişî bibo û wina qiseykerdişê xo wina dewam kerde: “Muvekîla mi seba çareserîya problemê Kurd hacetê demokratîk ard ziwani ewro hepisxaneyî de tewqîfkerde ya. Heme parlamenterê cinî yê hepsî bi sebebê aktîveteyê  8ê Adare û îzahatê çapemenî yenê hukmkerdiş. Amancê ma a ya ke huqûqê zerre de qerarêke adîlane vejyo. La  rewşa nêvejîyo aye DMME de qerar bido.”