MERKEZÊ XEBERAN - Save The Children da zanayîş ke her 6 domanan ra 1 xo mintiqayê şer de ya zî mintiqayê pêrodayîşî de cuyenê.

 

Sazgehê Hetkarîyê Mîyanneteweyî Save The Children (Domanan Xelas Bikerê), goreyê netîceyê cigêrayîşê ke kerdê, da zanayîş ke pêroyîye dinya de 357 milyon domanî welatê ke şer û pêrodayîş tede qewimyenê cuyenê. Eynî wextî de ame vatiş ke na hûmare 1990an de sera 75 zêde bîya.

 

Goreyê netîceyê cigêêrayîşî ame dîyarkerdiş ke doman tewr zêde mintiqayê sey Rojhelato Mîyanên û Efrîqa binê tehluke de yê. Goreyê netîceyê cigêrayîşî welatê ke seba domanan en tehluke Sûrîye, Afganistan û Somalî yê. 

 

Heto bîn ra goreyê netîceyê cigêrayîşî welatê ke şer ya zî pêrodayîş estê, domanî nêweşxane û mekteban de zî hedef yenê girewtiş.