Melîke Aydin 

 

ÎZMÎR - Avûkat Şenay Tavuze dîyar kerde ke selahîyetdarê  Nêweşxaneyê Kanûnî Sultan Suleymanî hedîseya 115 domanan netîceyê îstîsmaro zayendî de diganî mendê, mercîyê têkildarî yan rê zanayîş nêdayê, qanûn îhlal kerdê û wina va: "Hedîseyê îstîsmaro zayendî yê domanan de qestî esto."

 

Tirkîya de îstîsmarê domanan seba vatişê AKPî û hukm yê camêrd sey ‘reyke ra çîyêk nêbeno' û ‘rewşa baş’ û ‘waştişê aye estbî' roj bi roje zêde beno. Dewayê îstîsmarê domanan netîceyê têkoşînê cinîyan de ameyî vînayîş. Avûkat Şenay Tavuze dîyar kerde ke ganî îstîsmar sey sucê merdimayî bêro şîrovekerdiş. Şenay ard ziwan ke Kuçukçekmeceyê Stenbolî de 5 aşman de tarîxê cîya de 115 domanî netîceyê îstîsmarê zayendî de diganî mendê û muracatê Nêweşxaneyê Cigêrayîş û Perwerdeyê Kanûnî Sultan Suleyman dayê û va: "Na hedîse de selahîyetdarê nêweşxane hedîse nimêtê û qanûn îhlal kerdê."

 

Şenaye dewam de da zanayîş ke eke sazgehî qanûn ra nêtersê o wext qestî uca de esto. Gerek her kes na bebete de hîsgêr têbigeyro.