MÊRDÎN - Dimayê ke qayûm tayînê şaredarîyê bajarê Gird ya Amedî bi dima, Êzidîyê kampa Fîdanî neqlê kampa AFADî yê Mêrdînî ameyî kerdiş û nika heqê înan yê weşî yeno astengkerdiş. Êzidîyê kampan de yê rastê vatişê nefretî yenê, koçê welatê Ewropa kenê.

 

3ê Tebaxa 2014 de DAÎŞî hemverê Şengalî hêrişê qirkerdişî kerdib. Êzidîyê ke ameyî Amed Kampa Fîdanî yê Şaredarîya Bajarê Gird ya Amedî yê DBPî de ameyî bicakerdiş. Êzidîyê di serre û nîm uca de mendî, dimayê qayûm ame tayînkerdiş Êzidî uca ra berdî kampa AFADî yê Mîdyadî. Şarê Êzidî yê demêke yo uca de yê, no prosesî de rastê vatişê nefret û probleman ameyî. Zafê Êzidî nêeşkayne xo ver bidê koçê Ewropa kerdî. Çadirî nînê kontrolkerdiş Kampa ke hem şarê Ereb û hem zî Êzidî uca de manenê, pêroyî 12 hezar kes manenê bi ameyîşê zimistanî dir lazimî înan zêde bî. Pêwa ke zimistan şîdetîn derbaz beno, îdareyê kampa seba her çadir de sobeyêke û wexto ke vartî de çadirî de nînê kontrolkerdiş. Pêwa lazimîyê zimistanî bi aşman bi aşman verê seba îdareyê kampe yenê dayîş zî rayedar bê hîs têgeyrenê û bi desan domanê kampe manenê nêweş kewtî.

 

Êzidiyê ke tu waştişê înan nîno bicakerdiş, bi sebebê merhelaya penaberî de çinyê nêeşkenê xo biresnê heqê weşîye zî. Nêeşkenê derman bigîrê. Êzidîyê ke hemverê nêweşîyan çareserî nêdî, dermanê ke wazenê bi pereyê xo bigîrê zî zafê cayan nêeşkenê bigîrê. Êzidîyan ard ziwan ke îmkan û xizmetê seba penaberê Sûrîye yenê dayîş seba nîno dayîş û va pereyê ke yeno dayîş qîm nêkeno. Keyeyan ard ziwan ke problemê weşî domanê înan bi aşman nivînan de kewtê ra û eke perê înan qîm bikero dermanan gênê. Zafê keyeyî koçê Ewropa kerdî keyeyî seba problemê weşî û ekonomî nêeşkenê îbadetê xo zî bikerê, rastê vatişê nefretî yenê. Kampa ke perwerdeyê Tirkîya seba domanan yenê dayîş, her hewte bi desan keyeyî koçê Ewropa kenê. Êzidîyan dîyar kerdî ke rojo ke ameyê kampa AFADî problemêke cuyenê û nînê çareserkerdiş zî.

 

Rîskê ke kampe ra vejyê esto!

 

Xêrcê nê tebaxa serra vîyarte de bi sebebê nasnameyê înan çin o seba hezaran Êzidiyî seba kampe ra vejyê 3 rojî wext amebi dayîş. Nîmeyê şewe 4 Êzidî kampe ameyî vetiş.