MÊRDÎN - Koçerê Mêrdînî yê ageyrayî Zozanê Feraşînî yê hîrêgoşeyê Şirnex, Colemêrg û Wanî de yê, aşmê zimistanî zî şikeftê qeraxê koyê Bagokî manenê.

 

Koçerê Mêrdînî yê aşmê hamnanî şinê Zozanê Feraşînî yê hîrêgoşeyê Şirnex, Colemêrg û Wanî de yê, aşmê zimistanî zî şikeftê qeraxê Bagokî de cuyenê. Pêwa tedayê leşkerî û qedexeyê bi sebebê OHALî, koçerî zozanan ra ameyî vetiş, zimistanî ageyrenê. Koçerê ke ameyî şikeftê Koyê Bagokî, şikeft pak kerdî û la bi ca bîyê.

 

Koçerê şikeftê qeraxê koyê Mezraya Marîne yê girêdayê dewa Gîrmelî de manenê, şikeftê ke hamnanî honik û zimistanî zî germ ê xebitnenê. Koçeran seba nanê xo pewşnê tenûrê xo zî dayê ro. Hamnanî honik, zimistanî germ o. Cinîya bi nameyê Sabahat Baykala dîyar kerde ke ê şikeftan pak kenê û dima ra bi ca benê û wina va: "Peynîya nê aşman de seba ma şêrê zozanan amadekarîyan kenê. Seba ma vejyê zozanan ganî ma  zimistanî baş heywananê xo rê biewnê. No semed ra wexto ke ma zozanan ra yenê war ma anê tîya. Zereyê şikeftan hamnanî honik, zimistanî zî germ ê. No semed ra ma nêweş nêkonê. Dima ra ma zimistanî tîya derbaz kenê û şinê zozanan."

 

'Ma şikeftan de heme lazimîyê xo vînenê'

 

Sabahate peynîya qiseykerdişê xo de ard ziwan ke hem lazimîyê xo hem zî lazimîyê heywananê xo tîya peyda kenê û wina qedêna: "Nê şikeftî verê ra estê. Merdimî verê nê cayan de cuyayne. Dima ra dewî awan kerdê û şîyê keyeyan. Ma şikeftan hîn kerdî keye û hîn zî kerdî axor. Tenûrê ma zî estê. Ma nîmetê Bagokî ra wina feyde gênê. Zimistanî tîya serd nîyo. No zî ma rê şansêke yo. Pêwa heme tedayan ma koyanê xo terk nêkenê."