Safiye Alagaş 

 

AMED - K. ya ke hetê pîyê xo M. wexto ke domane bî rastê îstîsmaro zayendî amî, dimayê serran gerre kerde. K. dîyar kerde ke waya aye zî bi eynî sebebî serrê vîyarte de gerre kerda, la îfadeyê aye bi zor peyser ame antiş. Waştişê K. a ya ke camêrdo ke aye îstîsmar kerdo bêro cezakerdiş.

 

Cinîya bi nameyê K. ya Licê yê Amedî de cuyena, aşma teşrîna peyêne 2007 de camêrdo bi nameyê M. ke pîyê aye bi û domanîya aye de, aye îstîsmar kerdib, gerre kerd. Dimayê gerrekerdişî K. stargehê cinîyan de amî ca kerdiş û cigêrayîş ame destpêkerdiş. M. ame tepiştiş û tewqîfkerdiş. K. îfade da dozgerîye û va camêrdo ke pîyê aye yo her wext aye tacîz kerdo û îstîsmaro zayendî aye rê kerdo û dimayê ke pîl bîya pawitişê cewherî kerda û xelas bîya.

 

7-8 serrî verê eynî sucî ra gerre kerda

 

M. yî îfade da zî sucdarî red kerd û va kêna ey E. zî 7-8 serre verê bi eynî hawa gerreyê ey kerdo û beraet kerdo. Z. ya îfadeya aye amî girewtiş, va pîyê aye, aye îstîsmar nêkerdo. M. dimayê îfadeyan ame tepiştiş û 24 rojî ra dima ame veradayîş. Dozgerîye heme belgeyê cigêrayîşî şîrove kerd û derheqê M. de sucê ‘hêrişê zayendî asan' bi waştişê 6,5 serran heta 10 serran cezaya îdianame ame amadekerdiş. Îdianame hetê 2yîn  Dadgeha Cezaya Giran ya Amedî ra amî qebulkerdiş û roniştişê yewin de aşma Gulane de bêro vînayîş.

 

'Îfadeyê waya mi bi zor peyser antî'

 

K. dîyar kerde ke camêrdo ke pîyê înan bi, bi serran o ke pîyê înan îstîsmaro zayendî înan rê kerdo û va waye aye zî 7-8 serre verê gerre kerda la maya aye şîya dozgerîye û vata ke 'seba ke pîyê aye, aye nêdayo heskerdoxê aye ameya gerre kerda' K. va îfadeyê wayê aye bi zor peyser antê.

 

'Ez nêeşkayne bêveng bimanî'

 

K. va serê tehdîdê M. waya aye îfadeyê xo peyser anto û va eynî çî ameyo sereyê aye û nêwaşto bêveng bimano. K. dîyar kerde ke waye aye 17 serrî zî rastê îstîsmarî ameya û va bi çimanê xo dîyo û hewl daw ke vernî ci bigîro û va: "Wexto ke mi va ez gerre kena, ne maya mi ne zî birayê mi piştdayîş nêda mi. Ganî rêxistinê cinîyan ma tena nêverdê û wayîrê dewa ma vejyê. Gerek no camêrd bêro cezakerdiş."