Viyan Seîd-Delîla Axîn

 

ŞENGAL - Seba piştdayîşê Xoverdyîşê Efrînî, Şengal de çadire amebî akerdiş. Cinîyê ke serdayîşê çadire de piştdayîş dayî, ewnîyayîşê xo ardî ziwan û vatî: "Efrîn hêvîye cinîyê azad a, ganî ma Efrîn rê wayîr vejîyê."

 

Seba Xoverdayîşê yê Efrînî, Şengal de çadirî ameybî akerdiş. Cinîyê ke çadire piştdayîş kerdî ewnîyayîşê xo ardî ziwan û peyamê yewîye dayî.

 

Cinîya bi nameyê Suad Hisêne dîyar kerde ke aye seba hetkarîya Efrînî bi zerrî û gan xebityena û wina va: "Heme dinya zana ke Efrîn bi xoverdayîşê xo hemverê dagirkeran bi ser kewtê. Gerek ma heme bi zerrîyake hempar wayîrê Efrînî vejyê."

 

'Efrîn do teslîm nêbo'

 

Cinîya Êzidî ya bi nameyê Canê Mîrza hîsê xo yê derheqê hêrişan de serê Efrînî wina ard ziwan: "Ma sey Êzidî bi zerrî û gan serkewtişê Efrînî wazenê û ma nêwazenê kesêke biko mîyanê herra Efrînî. Ma do heme têkoşîn bikerê û do Efrîn teslîm nêbo."

 

'Azadî û serkewtişê cinîyê kurdan o'

 

Sînam Birahîm zî ard ziwan ke azadî bi têkoşînê cinîyan mumkun o û wina va: "Cinîyê Kurdî tarîx ra heta nika xoverdayox ê. Ê do nêverdê Efrîn bêro îşglakerdiş. Azadî û serkewtiş ê cinîyê kurdan o."