Viyan Seid/Ehalm Heci

 

ŞENGAL - Xêrê şerwanê YPG, YPJ û QSDî bi seyan cinîyê 'ê Êzidî destê çeteyê DAÎŞî ameyî xelisnayîş. Cinîya Êzidî Hena Murad Berkate zî hetê şerwanê QSDî destê DAÎŞî ameyî xelisnayîş.

 

Xêrê şerwanê YPG, YPJ û QSDî bi seyan cinîyê Êzidî destê çeteyê DAÎŞî ameyî xelisnayîş. Cinîya Êzidî Hena Murad Berkat zî hetê şerwanê QSDî destê DAÎŞî ra amî xelisnayîş. Henaye hetê Tevgerê Azadîya Cinîyê Êzidî (TAJÊ) ra teslîmê keyeyê aye amî kerdiş.

 

Kena Êzidî Hena Murad ke dewa Tilizirî yê Şengalî ra ya, semeod ke hetê DAÎŞî ra domanî ra esîr amî girewtiş, ziwanê maya xo zî xo vîr ra kerda. Hena ard ziwan ke DAÎŞî aye esîr girewtê û aye sey kole xebitnayê û wina va: "Xeylê reyan mi hewl da ke ez biremî û ez destê çeteyan ra xelas bibî la her rey mi tepişnayî."

 

Hena ard ziwan ke seba ke şerwanê QSDî aye xelisnayî, aye sipasîyê xo înan rê pêşkêş kena û va: "Seba ke ez resaya keyeyê xo ez zaf kêfweş a. Hêvî kena ke heme cinîyê Êzidî destê DAÎŞî ra bixelisyê."

 

Serê nameyê Tevgerê Azadîya Cinîyê Êzidî (TAJÊ) Edûl Elî qisey kerde û wina va: "Ma seba ke QSDî Hena xelisna sipas kenê. Ma zî sey cinîyê Êzidî xo bi rêxistin kenê ke ma heyfê xo bigîrê. Têkoşînê cinîyê Êzidî do xo dir serkewtişê newe bîyaro."

 

Keyeyê Hena zî ard ziwan ke ê bi xelsinayîşê kêna xo zaf kêfxweş bîyê û vatî hêvîya ma a ya ke cinîyê Êzidîyê ke destê  DAÎŞî de yê bêrê xelaskerdiş.