Melîke Aydin

 

ÎZMÎR - Şarê Uzundere yê hemverê şîrketê ke bîrê JESî akenê, çalakîya nobete dayî destpêkerdiş û bi serkewtiş netîce bi. ‘Şorba Aralik’ ya adetê seserran ê Elewiyê Tahtacî ya, na rey seba xoverdayîşî viraştî.

 

Qezaya Karabaglarê Îzmîrî, taxa Uzundere, hetê Şîrketê Sanayî A.Ş û Îthalat, îxracatê Enerjî, Maden, Turîzm, Înşat, Termal Petrolî ame waştiş ke di bîrê Santralê Enerjîyê Jeotermal (JES) bêrê akerdiş. Çalakîyê hemwelatîyê taxe ya hemverê nê rojê vîyarte de netîce da. Şar serê ameyê akerdiş nobete girewtî û nêverdayî makîneyê karî bixebityê. Heta dewa bi netîce bibo, xebatê sondajê bîrê JESî ameyî vindertiş. Dimayê xoverdayîşê hemwelatîyê taxe ke Elewîyê Tahtaci nişne ro bi netîce bî, şorba aîdê bawerîya Elewîyê Tahtacî yê bi nameyê ‘Şorba Aralik’ yena viraştiş.

 

Her keyeyêke ra xida yena komkerdiş û na şorba yena viraştiş. Şorba warê taxe de yena viraştiş û her kes tasa xo anê û pare xo gênê. Şar dîyar kerd ke na rey tehmê xoverdayîşî zî şorba zêde bîya û mesajê ‘Ma bi tena xurt nîyê, la wexto ke ma bêrê têhet ma xurt' benê.

 

'Ma şorba dostanîye viraşt'

 

Nîlgun Bala ke 48 serre yo Uzundere de cuyena va: "Aslan Petrolî waşt ke dewa ma de bîr ado. Ma hemverê ci çalakî viraşt. Ma şorbaya xo ya ke her serre viraştêne, emsar seba bibo nimûneyê piştdayîşî û yewîye viraşt. Ma şorbaya dostanî viraşte.

 

Piştdayîşê 300 serre...

 

Hîkayeya Şorba Aralik zaf cîyaya. Şorba Aralika wayîrê adetêke 300 serrîya. Xo spêrneno hedîseyêke derheqê Kalêke Elewî yê binameyê Kalo Çaputçu. Bi seyan serre verê dewe de vêşanî yeno cuyayîş û şar vêşan maneno. birçîbûn Kalo çaputçu zî semedo ke nêweş kono. Şarê dewe zî xida kom kenê, anê şorba viraznenê. Hem kalo û hem zî şarê dewe şorba ra şîfa vînenê.