MÊRDÎN - Platformê Cinîyan ê Mêrdînî dîyar kerdî ke dergkerdişê OHALî dir hêrişê hemverê cinîyan û domanan zêde bîyê û dîyar kerdî ke do sey cinî hemverê tedayan dest piştdayîş û têkoşînî ra vera nêdê.

 

Bi sebebê OHALî ra teda, îxrac, îhlalkerdişê heqan û îzahatê Dîyanetî zêde bî û di serrê peyîn de tewr zêde nê caardişan ra bandure bî cinî û domanî bî. Platformê Cinîyan ê Mêrdînî hemverê tedayan kewtî mîyanê tevgerî û veng dayî cinîyan ke bibê yew û têkoşîn dewam bikerê. ‘Ma do hemverê caardişê AKPî sere nêtewênê' Endama Platformê Mêrdînî û endama DBP PMî Semîre Kurte ard ziwan ke rejîmê Tirkîya bi kaosê welat rayîra benê û bale ante serê tedayê peyîn yê serê cinî û domanan.

 

Semîre nê çî vatî: "OHAL serê heme komelî de tedyan keno. Îqtîdar wazeno ke şar bêveng verdo.  OHAL û KHKyan bi hawayêke kêfî derg keno û welat ver bi kaosê rê beno. No koasê zî hewl dano bi hêrişê hemverê Efrînî meydan ra wedarno. Ma cinî qetî sere hemverê nê caardişan nêtewênenê ."

 

'Wazenê deskewtişê cinîyan çin bikerê'

 

Semîre dewamê qiseykerdişê xo de da zanayîş ke bi taybet wazenê hetê bawerî û dînî de bandure serê keyeyan bikerê û heme polîtîkayê xo zî serê cinîyan meşnenê. Bi no hawa wazenê destkewtişê cinîyan çin bikerê.

 

Semîre wina qiseykerdişê xo qedêna û va: "Kiştişê cinîyan ra îqtîdar berpirsîyar o. Hemverê xespkerdişê qezencê cinîyan do têkoşîn bêro meşnayîş. Cinî wayîrê qezencê xo vejênê."

 

'Wazenê warê cinîyan çin bikerê'

 

Endama Platformê Cinîyan ê Mêrdînî Adalet Kaya zî wina va: "Bi OHALî dir tedayê serê cinîyan û domanan zêde bî. Bi taybet îzahatê serekîya Dîyanetî tedayê serê cinî û domanan zêde kerd. Dîyanet ganî xîtabê heme komelî bikero, hemverê cinî û domanan benê wayîrê helwest. No nîno qebulkerdiş.

 

'Ma fek têkoşînî ra vera nêdanê'

 

Hemsereka HDPî ya Mêrdînî û endama Platformê Cinîyan ê Mêrdînî Eylem Amake zî dîyar kerde ke ê hemverê zewacê domanê 9 serran ê û va ê serserra 21î de nê caardişan red kenê. Eyleme ard ziwan ke ê piştdayîş û têkoşîn ra peyser game nêerzenê.