Duygu Cînîvîz

 

AMED - Endama DBP PMî Fîkriye Aytîne ke xebatê Yewîya Netewîya Kurd de bi hawayêke çalak ca gêna, dîyar kerde seba Kurdan yewîya neteweyî ferz a û hemverê hêrişan hemverê Efrînî gerek çar parçeyê  Kurdistanî de vengê hempar berz benê.

 

Hêrişê hemverê qezencê şarê Kurd dewam kenê û heto bîn ra zî xebatê bi rayberîya Kongreya Neteweyîya Kurdistanî yena meşnayîş zî dewam kena. Endamê DBP PMî Fîkriye Aytîne ke xebatê yewîye de zî ca gêna va: "Hemverê hêrişan hemverê Kurdan, hemverê îmha û qirkerdişê gerek çar parçeyê Kurdistanî vengê hempar berz bibo."

 

'Îmha yeno hedefkerdiş'

 

Fîkriye wina dewam kerde: "Ez serê nameyê partîya xo DBPî beşdar bî. Mi komîsyonê berz de ca girewt û xebatê xo mi da destpêkerdiş. Nika Tirkîya, Iraq, Rojawan û Îran de hemverê komelî de hêrişê cidî estê. Rojawan û Îran de hêrişê cidî estê. Hemverê Kurdan polîtîkayê îmha yenê meşnayîş."

 

'Rastîya şarê ke çar parçe ameyê vilakerdiş'

 

Fîkrîye ard ziwan ke bi hêrişan îmha yeno hedefkerdiş û hemverê nê hêrişan rastîye şarêke çar parçe ameyê têrakerdiş esto û Fîkrîye wina dewam kerde: "Xebatê yewîya neteweyî de ma xebatê cinîyan ewil girewtî dest û na çarçewe de ma xeylê pêvînayîşî kerdî û netîceyê ci de ma bi partiyê wayîrê îdeolojîyê cîya û fikrê cîya de pêvînayîş kerd. Seba hemverê hêrişê hemverê Kurdan her çar parçeyê veng bêro vetiş ma pêvînayîş kerd. Xebate eşkenê bêrê xurtkerdiş. Ma do xebatanê xo zêde bikerê."

 

'Cinî do qezenc bikerê, yewîya neteweyî viraz yo'

 

Fîkrîye bale ant ser girîngîyê rolê cinîyan ê warê têkoşînî de û va xebatê yewîya neteweyî de no rol di qatî zêde bîyo û va do cinî qezenç bikerê û yewîya neteweyî de virazyo. Fîkrîye bale ant ser hêrişê hemverê Efrînî zî va şarê Efrînî tena nîyê, her çar parçeyê Kurdistanî bi şarê Efrînî dir ê.