AMED - Serdozgerîya Komara ya Êlihî îdia kerd ke Huda Kaya parlamentera HDPî mîtîngê 8ê Adara 2017ine Êlih de îfadeyê sey 'Polîs û leşkeran doman û sîvîlî qetîlkerdî' û ‘îşkence cenazeyan kerdê’ û derbarê aye de cigêrayîş dayî destpêkerdiş. Dozgerîye çarçewaya cigêrayîşî de qiseykerdiş şîrove kerde û bi îdiaya ‘dewleta komara Tirkîya qij fînaya' derheqê Huda de fezleke amade kerde.

 

Derheqê parlamentera HDPî yê Stenbolî Huda Kaya de yew Êlih de, yew zî Enqere de bi îdiaya ‘propagandaya rêxistine kerdiş' û ‘Dewleta Komara Tirkîya qij fînaya' fezleke ame amadekerdiş û eşrawitî TBMMî. Serekîya Xizmetê Huqûqî yê TBMMî, 2ê Gulana 2016an de derheqê Huda de Serdozgerîya Komara Enqere de gerre kerdî.

 

Waştişname de gerrekerdiş de ame vatiş ke 2ê Gulane de Komîsyonê Destûrê Bingehîn ê salona kombîyayîşî ya hûmara 3ine ê kate yewin bloka komîsyonê awanîya têkilîyê şaran ê TBMMî de kombîyayîş kerdê, kesê wexto ke salone terk kerdê sloganê sey ‘Bijî Serok Apo’, ‘Ma do bi xoverdayîş qezenc bîkerê' berz kerdê û sloganê gerîla vatê û derbazê salona kombîyayîşî bîyê. Serê gerrekerdişê Serdozgerîya Komara 23ê Gulana 2016an de RTUKî rê nuşte nuştê û qeydê hedîse waştî. Serê waştişî ra 27ê Hezîrana 2016ine de dîmenê hedîse eşrawitî dozgerîye. 

 

Rapor eşrawitî keso ke zano. Keso zano zî îdia kerd ke Hudaye zî koma qerebalixî dir baxçeyê TBMMî de slogan û sond berz kerdê.

 

Beşdarbîyayîşê rayşîyayîşî suc ame hesibnayîş

 

Dozgerîye zî dîyar kerde ke Huda bi kome dir bi slogan û berzkerdişê sondî de rayşîyayîş kerda. Dozgerîye derheqê Huda de waşte ke destnêdayîşê Huda bêro wedartiş. Cigêrayîş de qiseykerdişê Huda zî ame şîrovekerdiş û ame îdia kerdiş ke Huda bi qiseykerdişê xo de polîs û leşker sey kiştox bi name kerda.