Berîtan Canozer

 

STENBOL - Amadekarîyê Hîrên Kongreya Asayî ya HDPî rastê polîtîkayê teda yenê. Hemsereka HDPî ya  Stenbolê Esengul Demîre dîyar kerde ke bi xerîteya newe cewab bidê hêrişan û wina va: "Do teda û hêrişî veng vejîyê" û veng da seba beşdarbîyayîşê kongre.

 

Verê Hîrên kongreya HDPî yê 11ê Sibate de virazyo hemverê hemserek, endam û kerdişê HDPî de hêriş ameyî meydan.Pêwa tedayan kongre coşê xo vinî nêkerde. Hemsereka HDPî yê Stenbolî Esengul Demîre xebatê Stenbolî senîn yenê kerdiş qalî kerde û dîyar kerde ke girîngîyê xerîteya newe ya kongre şîrove kerde.

 

'Îradeyê şarî çin yeno hesibnayîş'

 

Esengule dîyar kerde hemverê muxalîfan hêrişê şîdetînî yenê kerdiş û wina va: "Wazenê heme muxalîfê welat bêveng bikerê. Tehemulê înan kesî rê nêmendo. Her ca de propagandayê şerî yenê kerdiş. Yê ke hemverê şerî vejênê zî hedef yenê girewtiş. Her roje parlamenterîya parlamenterêke yena vistiş. Îradeyê şarî çin yeno hesibnayîş." Dayeyê feqîrî her roje zêde benê û  Esengule ard ziwan ke verê merdim ûnîversîta nêwendêne bîne prpblem, nika zî kesê wendê zî nêwendê zî nêeşkenê kar bivînê û va: "Kesê ke goreyê ewnîyayîşê înan ê sîyasî gênê kar. Sîstemê perwerdeyî halêke nêbaş de yo."

 

Esengule dewam de wina va: "Prosesê OHALî de heme muxalîfî bi bandure bî. Eynî wextî de xeylê kesî zî OHALî ra feyde girewtî. Bi KHKyan yenê vetiş. Kuçeyan de kiştişê kesan zî bêceza yeno mendiş. Merdiman teşwiqê kiştişî kenê. Tecawizkarî bêceza yenê verdayîş. Cinîyan rê merdiş, betalî û koletî ferz kenê."

 

'Ma do şarî dir waran de bê'

 

Esengule qiseykerdişê xo wina qedêna: "HDP hetê sîyasetê Tirkîya de zî, hetê şarê Tirkîya de zî rayîrê xelisnayîşî ya. Pêwa heme hêrişê yewin partîya ke hemverê şerî ya û aştî pawena. Verê kongre ma xeylê kombîyayîş şarî dir kerd. HDP prosesê ameyox de do şarî dir waran de bo û do biba cewabê en xurt ê prosesî. Ma do nê tedayan û hêrişan veng vejê."