STENBOL - Ekîba TJNî tîyotroyê Kurdî kenê, şaredarîyê Stenbolî û tîyatroyê taybet sehne nêdanê înan. Rûgeş Kiriciye dîyar kerde ke kaye de ziwan bena problem û va: Hemverê ziwanê Kurdî helwestêke negatîf esto. La ma sondwerdoxê ke xo biresnê temaşekerdoxan.

 

Teatre Cuya Newe (TJN) ke bi Kurdî tîyatro kena seba kaya xo ya Bêrû kay bikerê sahne nêvînenê. Şaredarîyê Bakirkoy, Şîşlî, Beşîktaş, Ataşehîr, Maltepe û Kadikoyî sehne nêdanê kay.  Rûgeş Kirici dîyar kerde ke heta nika tena şaredarîya CHPî yê Çankayayê Enqerî sehne dayo înan û înan bi zor kerdê û va ser tîyatroyê Kurd sansur esto. Rûgeşe dewam de da zanayîş ke ti şaredarîyê Stenbolî ekîbê TJN rê berayê xo anêkerdê û wina va: "Ma nêfikirênê ke kaye nîna waştiş, ya zî qedexekerdişî ya. Kes Em muhtewayê ci dir eleqedar nêbeno. Bi ziwanê kaye dir problem cuyenê. Hemverê Kurdî helwestêke negatîf esto. Sansurêke nimte esto. Rûgeşe ard ziwan ke salonê taybet zî vatişê 'salonê ma na aşme pirkerde yê' û salon nêdayê înan û va seba împaratorîyê ters û endîşeyê ameyê awankerdiş kes salone nêdano û va sansurêke nimte esto.

 

Rugeşe dewam de wina va: "Seba ke xo biresnê temaşekerdoxan ma zaf kede danê. Êa sondwerdoxê ke xo biresnê temaşekerdoxan. Dinya de çend kaykerdoxî serê sehne de ameyê tepiştiş. Ma hemverê şaredarî û tîyatroyê taybet alternatîfê xo awankerdî. Rûgeşe zanayîşê derheqê ke rojê ameyox de do kaye kam roj de bêro kay kerdiş pare kerde. Bernameyê Sibatê a kaye: Salona Tîyatroyê Ciwanan yê Parkê Kulturê Îzmîrî 22,23,24,25ê Sibate: Tîyatroyê Bajarê Gird yê Amedî 27ê Sibate: Merkezê Kulturê Yaşar Kemalî yê Edenî.