Fîlîz Zeyrek

 

EDENE- Şaredarîya Bajarê Gird ya MHPî yê Edenî bultenê faliyetê xo yê aşmeyîn ê şaredarî de bi sernameyê 'Seba beyraqe mehmedo piro de' manşet eşte û propagandayê şerî kerde.

 

Hêrişê Tirkîya û hêzê girêdayîşê aye hemverê Efrînê kewt roja 21ine. Meclîsê Weşîya Efrînî 6 Sibate de îzahatêke da û dîyar kerde ke heta nika 26 ci ra doman 17 cinî pêroyî de 148 sîvîlan cuya xo vinî kerdê û 365 kesî zî birîndar bîyê. Hetê ke piştdayîş danê tifaqê AKP û MHPî zî merdiş ra ameyê meydan pîroz kenê. Şaredarîya Bajarê Girs ya MHPî yê Edenî bultenê falîyetê xo yê aşmeyîn bi sernameyê ‘Seba beyraqe mehmedo piro de' manşet eşte û propagandayê şerî kerde.

 

'Ma propagandayê şerî nê ma xizmet pawenê'

 

Hemwelatîyêke reaksîyon hemverê şaredarî mojna ra û dîyar kerd ke ê 'propagandayê şer nê xizmet wazenê'. Kesêke bîn zî nêwaşt nameyê xo bido wina va: "Êdî bes o, sey ke televîzyon qîm nêkenê, rojnameyê şaredarîyan de zî propagandayê şer yenê kerdiş. No wijdanêke senîn o? Ma nêzanayne merdimayî merd a û dişminîyê hemverê Kurdan resayo na merhela. No welat êdî merdişan pîroz keno. Ma bi rastî endîşeyînê."

 

'Wa şaredarî karê xo bikero'

 

Hemwelatî dîyar kerd ke şaredarî wa şêro karê xo bikero û va halê qeza bellî yo ê şinê çi dir eleqedar benê û wina va: "Vanê ke ma do hezar beyraqe bidaçeknê. La bi desan keyeyê mexdur estê. Nêeşkenê pereyê awe xo bidê. Pereyê bacê ma kenê propagandayê nîjadperestî. Wa êdî dest dişminî ra vera bidê. Bacê Kurdan kursîya înan saxlem keno. La Kurdan ra nefret kenê."