Duygu Erol

 

ENQERE- Hemsereka HDPî Serpîl Kemalbaye dîyar kerde ke operasyonê hemverê HDPî pêkameyê ci wazenê kongreya 11ê Sibate de Arenaya Enqere de viraznê bê bandure verdê û wina : "Ma heme kesê terefê aştî û demokrasî yê, raya pêroyîyê demokratîk, kesê hemverê şerê Efrînî yê, kesê ke hemverê qetilkerdişê xoza yê, kesê ke kiştişê cinîyan ra vanê nê, bi kilaman, govend û tilîliyan înan dawetê kongreya HDPî ke 11ê Sibate de Arena de virazyo kenê.

 

Hemsereka HDPî Serpîl Kemalbaye veng da heme kesê terefê aştî û demokrasiî ke 11ê Sibate de beşdarê 3in Kongreya HDPî yê Arenayê Enqere de virazêna, bibê. Serpîle dîyar kerde ke HDP no proseso ke hewl danê faşîzm bikerê sazgeh de, têkoşînê demokrasî de rolê sereyîn kay kena û hemverê polîtîkayê teda, şîdet û şer, hemverê dagirkerdişê Efrînî vengê xo berz kena. Serpîle va hemverê nê zî hukmat hewl dano HDPe bêveng verdo û tasfîye bikero.

 

'Amanc bêbandure verdişê kongre yo'

 

Serpîle dewamê qiseykerdişê xo de bale ante ser operasyonê tepiştiş û tewqîfkerdişî û tepişnayîşê newe yê hemverê HDPî û dîyar kerde ke hemverê KCD,DBP, HDP û Partîya Sosyalîstê Bindestan operasyonê cidî estê û va amancê înan o yo ke kongre bêbandure verdê.

 

Serpîle ard ziwan ke bi şîarê ‘aştî û demokrasî’ bi beşdarbîyayîşê deshezaran kesî beşdarê 3in  Kongreya Asayî bibê û va kongre rê hîrê rojî mendo û amancê operasyonan zî o yo ke hûmara beşdarbîyayîş kêm bikerê. Serpîle dewam de da zanayîş ke ganî her kes wayîrê HDPî vejîyê û va ganî aştî û demokrasî pîya awan bikerê.