Melîke Aydin

 

ÎZMÎR- Aktîvîstê Piştdayîşê Mor dîyar kerdî ke do rojê ameyox de seba cinîyan meclîs awan bikerê û mijdîyanê piştdayîşê girs bikerê dayî.

 

Hemverê sîstemê serdest y mêrdan û rolê zayendê komelî, têkoşînê cinîyan bi formê rêxistinê newe û piştdayîş dewam kenê. Piştdayîşê Morî bi rêxistinbîyayîş piştdayîş girs kena. Roja ke awan bîya heta nika xebatê xo bêmabên dewam kena. Îzmîro ke kiştişê cinîyan xeylê zêde yo, aktîvîstê Piştdayîşê Morî xebatê xo dewam kenê û faîlîyetê xo yê wextê ameyoxî qalî kerdî.

 

Her profîlê cinîyan kîşte yewbînan de yê

 

Denîz Usluye dîyar kerde ke taxê bi cinîyan dir ameyê têhet û fîlm mojnayî ra, xebatê wendişê kitaban kerdê û aye dir hemverê sîstemê serdest yê camêrdan xebatê hişmendî kerdê. Denîze ard ziwan ke cinî her cayê dinya de eynî problemî cuyenê û va înan kedkarê keyeyî ra bigîre, heta cinîya memur, heta cinîya wendekar her profîl ra cinî ardî têhet.

 

'Do meclîsê Piştdayîşê Mor bêrê awankerdiş'

 

Denîze dewam de wina va: "Cinî bêrê têhet û problem çareser bikerê do zaf baş bo. Ma prosesê ameyox de  Meclîsê Piştdayîşê Morî awan bikerê. Komîsyonê ke pisporê zerrîwaşteyî tede yê nika ra ameyê awankerdiş. Ma hemverê ziwanê çapemenîya serdset bi ziwanê cinî weşan kenê. Rojnameyê Piştdayîşê Morî zî girêdayîşê komîsyonê çapemenîye yenê vetiş. Seba ke ma xo biresn her ziwan, ma komîsyonê açernayîşî awan kerdo."

 

Aktîvîsta Piştdayîşê Morî Julîana Gozen zî da zanayîş ke dinya de krîzê ekonomî kûr benê û Rojhelato Mîyanîn zî krîzê hegomonya yeno cuyayîş û va bi no hawa sîstemê serdet yê camêrdan hemverê cinîyan şer dayo destpêkerdiş.

 

Julîana va xoverdayîşê cinîyan ê hemverê şerê parekerdişê emperyalîst yê dinya û Rojhelato Mîyanîn tesaduf nîyo. Julîana da zanayîş ke yewin çareyê cinîyan piştdayîş o.