Melîke Aydin

 

ÎZMÎR - Cinîyê Sendîkayê ke hemverê îxracan alternatîfê xo awan kerdî, berardişê rêsnayîşê destan ke ‘rêsnayîşê bi rêxistin’ dayî roşenê. Cinîyan dîyar kerde piştdayîş kulturê înan de esto û bi berardişê kolektîfî dir hemverê polîtîkayê dewlete têkoşîn kenê.

 

Cinîyê endamê Şubeyê 2yîn Egîtîm Senê Îzmîrî, dîyar kenê ke amancê îxracan o bi ke têkoşînê sendîkal ra dûr verdê û va do bi cinîyê memur ê warê cîya de bêrê têhet û têkoşînê rêxistînî berz bikerê. Cinîyan va her hewteyê peyîn de yenê têhet, xo bi rêxistin kenê û xebityenê. Cinî eynî wextî de problemê ekonomî rê zî çareserîyan vînenê û berardişê xo yê rojê dîyarkerdiş de standê şaredarî de roşenê.

 

'Ma tewr zêde kuçeyan de bî'

 

Sekretera Pêroyî ya Cinîyan ê Şubeyê 2în Egîtîm Senê Îzmîrî Dîlek Kanlibaş Demîre dîyar kerde ke proseso ke yeno cuyayîş de Egîtîm Sen xoverdayîş bi rêxistin keno û va hemverê polîtîkayê hukmatî yê cinîyan warê îstîmlakkerdişî de dûr fîneno, tewr zêde kuçeyan de yê.

 

‘Helwestê ma bîyayîşê ma mojneno ra'

 

Dîleke dewam de ard ziwan ke dimayê îxracan warê sendîkal de, têkoşîn hîna zêde manayîn bîyo û nê çî vatî: "Dewlete goreyê îdeolojîya xo cinîyan warê îstîmlakkerdişî ra vejnena. Beno ke ma nêşinê mekteban dersan nêdanê la vindertişê ma, helwestê ma bîyayîşê ma mojneno ra. Ma xo bi rêxistin kerd û ma waşt ke kanalê piştdayîşî awan bikerê. Tena sendîka de nê, sazgehê komelê sîvîl de zî beşdarê torre piştdayîşî bî."

 

‘Amancê înan şiknayîşê kulturê piştdayîşî yo'

 

Ebru Dînçel Metîna ke aye zî amî îxrackerdiş va her wext rastê zehmetîyan yenê û wina qisey kerde: "Wexto ke ma  stand akerd, ma rastê tacîzê polîsan ameyî. Amancê înan o bi kulturê piştdayîşî bişiknê."

 

Ebru dîyar kerde ke cinîyê KESKî her wext hemverê şîdet, tacîz û îstîsmarê cinîyan û domanan bîyê û va têkoşîno rêxistinkerdiş kulturê înan de esto.