ÎZMÎR - Kitabê bi nameyê ‘Rojê tepişnayîşê cinîyêke' ya Sereka Komeleya Nuştoxa Cinîyan, Sevîm Korkmaz Dînçe vejya. Sevîme seba kitabê xo yê ke tede prosesê tepişnayîşê xo û şahidîyê xo yê Cizîre qalî kena, dîyar kena ke eke nê çîyan qalî nêkerê û ninusnê heme çî do bêrê xovîrrakerdiş.

 

Sereka Komeleya Nuştoxê Cinîyan Sevîm Korkmaz Dînçe ke dimayê çalakîya Bloga Aştîya 2ê Çele 2016an de ame kerdiş ra dima amî tepiştiş û 7 rojî tepişnaye mende, prosesê tepişnayîşê xo kitabê 'Rojê tepişnayîşê cinîyêke' de ard têhet. Sevîme kitabê xo de şîyayîşê xo yê Cizîre seba vernî girewtişê qirkerdişê zî qalî kena.

 

'Ma xo sansur kenê'

 

Sevîme dîyar kerde ke bi hezaran kesê ke hema îdianameyê înan nêameyê amadekerdiş hepisxane de yê û wina va: "Beno ke kitabê mi bêro rexnekerdiş. Semedo ke 7 rojî tepişnayîşê xo vana. La mi bi rastî lazimî pê dî. Eke ma nênnusnê, qisey nêkerê do heme çî bêrê xovîrrakerdiş. Heta azadîya fikr û ramanî çinbo demokrasî û ameyox zî çin o."

 

Sevîme ard ziwan ke sey Blogê aştîye seba vernîye qirkerdişê Cizîre bigîrê, wexto ke şîne Cizîre, Nisêbîn de  bi komployê dewlete ameyê astengkerdiş.

 

Sevîme bale ante serê operasyonê hemverê Efrînî û va her kes nê qirkerdişan zanê la sey faşîzmê Elman kes nêwazeno berpirsîyarî bigîro serê xo.

 

Sevîme peynîya qiseykerdişê xo de da zanayîş ke seba kitabê xo bido naskerdiş, do xeylê bajaran de kitabê xo bido naskerdiş û xeylê bajaran de bernameyan virazno û va ke ganî cinî binusno.