Safiye Alagaş

 

AMED - Camêrdo bi nameyê M.Ç. ke Farqîn de domane/î îstîsmar kerd, sucê 'îstîsmaro zayendî ê domanan' ra 25 serrî ceza girewt û camêrdo bi nameyê bi nameyê A.T. zî  sucê 'Domane/î rê îstîsmaro zayendî yo şenik kerdo' zî 12 serrî ceza girewt. Dadgeha îstînafî dîyar kerde ke gerek cezaya seba A.T. ameyo dayîş, ‘îstîsmaro şenik' ra vejîyo û 'sey îstîsmaro bi zaneyîş' bêro şîrovekerdiş û dosya eşrawit dadgeha mintiqa.

 

Amed de camêrdê bi nameyê A.T û M.Ç Êlula 2015an de domanêke bi zor tepişnayî. Domana/o ke serê rayîrê Farqînî de amî tepiştiş rastê îstîsmaro zayendî ame. A.T ke hewl da heme delîlan çin bikero, dimayê îstîsmaro zayendî nimûneyê spermî zî pak kerd.

 

Dimayê A.T, M.Ç. ke hemverê domane/î îstîsmaro zayendî kerd, domane/î tehdîd kerd û merkezê bajarî de da ro. Domane/î dimayê îstîsmarî hewl da ke întîxar bikero û hetê merdimanê ci ra berdî emnîyet û domane/î dîyar kerd ke hetê A.T û M.Ç. ra rastê îstîsmaro zayendî ameya/o.

 

A.T û M.Ç.  çarçeweya cigêrayîş de 15 rojî ra dima ameyî tepiştiş. A.T îdia kerd ke domane/î rê îstîsmar nêkerdê û şîyê cayê ke doman uca de bîyo/a û tena a/o nas kerdê. M.Ç zî berapey nê îfadeyî da û va ê nêşîyê cayê hedîse, tena wesayît de derbaz bîyê. Dimayê îfadeyê bi naqok her di zî ameyî tepiştiş.

 

Netîceyê cigêrayîşî de dozgerî dîyar kerde ke telefon de 54 fotografê zayendî estbîyê û ameyê pakkerdiş.

 

Îdianameyê derheqê M.Ç û A.T. de ameyî amadekerdiş de ame waştiş ke gumanbarî bêrê cezakerdiş. Heyetê dadgehe roniştişê peyîn ê Nîsana 2017an de ame dayîş de qerarê xo eşkera kerd. M.Ç sûcê ‘îstîsmaro zayendî yê bi senînîye doman' 25 serrî ceza girewt û camêrdo bi nameyê A.T zî sucê, 'doman rê îstîsmaro zayendî yo şenik' 12 serrî ceza girewt. Heyetê dadgehe derheqê A.T de sûcê şantajî bi sebebê suc sabît nîyo, qerarê beratî da.

 

Avûkata domane/î Gazal Kolumane reaksîyon hemverê qerarê beratî da û va dosya eşrawitê Dadgeha Cezaya 17ine ê Îstînafî.

 

Dadgeha Îstînafî yê ê îtîraz şîrove kerd û dîayr kerd ke ganî A.T. zî sucê 'îstîsmaro zayendî yo bi zanebîyayîş bêro hukmkerdiş.'