Şehrîban Aslan

 

AMED - Parlamentera HDPî ya Şirnexî Leyla Bîrlîke ke dadgehe 21 aşmî cezaya hepsî dawa dîyar kerde ke aye gumanbarê nê prosesî ya, şahidê ci ya û va ê zanê ke n wê ne û gumanbar kamê û heta ke înan kursîya dadgehe de bidê roniştiş do têkoşîn bikerê.

 

Serê  4ê teşrîna peyêna 2017an de ke parlamenterê HDPî ameyî tepiştiş serrêke derbaz bi. Operasyonê 4ê Teşrîna peyêne de ame destpêkerdiş hîna zî dewam kenê û serrêke de xeylê parlamenterê HDPî ameyî tepiştiş. Verê ey de zî îdarekar û hemserekê HDPî zî ameyî tepiştiş. En peynî Hemsereka KCDî Leyla Guvene bi sebebê derheqê hêrişê Efrînî de îzahat da amî tepiştiş û tewqîfkerdiş.

 

Parlamentera HDPî ya Şirnexî Leyla Bîrlîke dîyar kerde ke seba ke sîyasetmedarî polîtîkayê dewlete û îqtîdarî teşhîr kenê ceza yenê varnayîş û va ke do hemverê cezayan game xo peyser nêerzê.

 

‘Amanc tasfîyekerdişê sîyasetê Kurdan o'

 

Leyla da zanayîş ke operasyonê 4ê teşrîna peyêne bi destê îqtîdarî ameyo kerdiş û wina va: "No operasyon bi amancê çinkerdişê qezenckerdişan o. Cezayê ke seba Îdrîs Baluken û Selma Irmake ameyê dayîş zî dewamê ci yê. Tirkîya xora bi serran o ferasetêke huqûqî wina esto. Nê huqûqî Cizîre de vinî kerd. Amancê înan tasfiyekerdişê Kurdan o."

 

'Vernê de qeza dima ra welat dorpêç kerdî'

 

Leyla da zanayîş ke verê hêrişê Cizîre veng dayî komela Tirkîya û wina va: "Ma o wext va ke do welat bigîrê binê abluqa. Ma va ke eke qezayêke wina bêro abluqakerdiş, no adir o  û do heme cayan vila bibo. Nika faşîzm her ca kerdê binê abluqa."

 

‘Heme delîlan meydan ra wedarnayî'

 

Leyla bale ante ser serrêke û 9 aşmî cezaya xo û va bi îdîaya ‘heqerat  serekkomarî rê kerda’ na ceza ameya birnayîş û wina va: "Dosya ke ez tede ameyne hukmkerdiş, esasê xo de dewaya ke mi şahidîya aye kerda. Mi Nêweşxaneyê Cizîre de  şahidîyê xeylê îhlalkerdişê heqan û îşkenceyê zayendî kerd. Min dadgehe de na waşte; bi rastî eke şima hetê huqûqêke adîlane bê, no hîrê hemwelatî kiştê? Gelo çira hîna cigêrayîş nêameyo destpêkerdiş? Çira dîmenê nêweşxane ameyî çinkerdiş? Dîmenê îstîsmarê zayendî ça de yê? Seba ke mi nê çî teşhîr kerdî ceza dayî mi. Ma gumanbarê prosesî nîyê, ma şahidê prosesî yê. Ma zanê gumanbar kamê. Heta ê kursîya dadgehe de nêşnê ro ma do têkoşîn dewam bikerê."