EDENE - Îdarekerê HDPî yê Edene seba hîrên kongreya partîya xo vengdayîşê beşdarbîyayîşî kerdî û dîyar kerdî ke do 11ê Sibate de Enqere do bikerê keleya xoverdayîşî.

 

Rêxistina Partîya Demokratîk a Şaran (HDP) yê  Edene seba hîrên kongreya partîya xo ya 11ê Sibate de Enqere de Salona Sporî ya Arenayî de virazyo, xebatêke pîl dewam kena. Îdarekarê HDPî yê Edene Suphîye Bayav û Suzan Kiliçe dîyar kerdî ke do cinî mohrê xo bidê kongreya bi şîarê ‘Ma do qetî serkewte bibê' ro û va do cinîyê ke Efrîn de xo ver danê selam bikerê.

 

‘Ma veng danê heme şaranê xo'

 

Suphîye Bayave dîyar kerde ke seba şert û mercê ke tede yê caardişê kongreya HDPî stratejîk a û wina va: "Ma serê nameyê şarê Tirkîya ê bindestan prosesêke awankerdişê newe bidê destpêkerdiş. Kongreya ma de mesajê tarîxî yê ma bidê girîng o. Ma heme şarê xo dawetê kongre kenê. Sîstemê serdest ê camêrdan vernê de cinî hedef girewtê û no semed ra gerek cinî beşdarê kongre bibê."

 

'Hêzê cinîyê xoverdayoxan do selam bikerê'

 

 Suzan Kiliçe zî behsê amadekarîyê kongre kerde û va do bi 25 otobusan bajar ra beşdarê kongre bibê û dewam de wina va: "Efrîn de zî, Tirkîya de zî şar têkoşîn keno. Taybetî zî ma cinî ma do 11ê Sibate de Enqere bikerê keleya xoverdayîşî. Ma do hêzê cinîyê xoverdayox ke Efrîn de xo ver danê selam bikerê."