Fîlîz Zeyrek

 

EDENE - Cinîyê kurdî ke seba polîtîkayê dewlete mecbur mendî koç bikerê, bi serran o bi viraştişê tenûran hemverê feqîrî têkoşîn kenê. Cinî eynî wextî de urf û adetê xo danê cuyayîş û cewabê en baş danê kesê înan koçber kerdê.

 

Kadrîye yew ê cinîyê ke bi berardişê tenûran debara xo kena ya. Kadrîye dîyar kerde ke berardişê tenûre maya xo ra musaya û va: "Wexto ke ma newe koç kerd, ma hîna zêde tenûre viraştêne. Nika ma hewte ra yew viraznenê. Ma êdî pîr bîyê. Weşîya ma baş nîya. Karêke zehmet o û kede wazena."

 

‘Kesê ke gênê zî mexdûrê koçberî yê'

 

Kadrîye ard ziwan ke bi taybetî wexto ke herre amade kenê, cinîyan dir piştdayîş kenê û wina va: "Xêrê tenûre ra, hem ma nanê xo danê piro û hem zî ma tenûran roşenê û ma pere gênê. Ma domanê xo bi no hawa pîl kerdî. Goreyê zimistanî ma wisar de hîna zêde viraznenê. Kesê ke tenûre gênê zî sey ma koç kerdê yê. Seba ke nêwazenê fek nanê xo ra vera bidê."

 

‘Neheqî ro ma kerdî'

 

Kadrîye peynîye qiseykerdişê xo de ard ziwan ke hema zî urf û adetê xo dewam kenê û wina va: " Neheqî ro ma kerdî. Çi kewt destê înan? Bi desan kesê feqîrî bi tena sereyê înan verdayî. Werrekna ma serê herre xo de bibayne. Ma vatêne ma do ageyrê la reyna şer dest pêkerd."