MERKEZÊ XEBERAN - Goreyê çapemenîya Tirkîya de dayeyê aşma ewil ê 2018an de 28 cinî ameyê qetilkerdiş,  34 cinî rastê şîdetê ameyê û 147 domanî zî rastê îstîsmaro zayendî ameyê.

 

Goreyê xeberê çapemenî de vejyayê aşma ewil ê 2018an de camêrdan 28 cinî qetilkerdê, 34 cinîyan rê şîdet kerdê, 10 domanî qetil kerdê û  147 domanî zî rastê îstîsmaro zayendî ameyê.

 

Cinî hetê camêrdê nasan ra ameyê qetilkerdiş

 

Tirkîya de hema hema her roje cinî hetê camêrdan ra yenê qetilkerdiş, rastê şîdetî yenê. Goreyê zanayîşê ke çapemenî de vejyayê 2017an de camêrdan 409 cinî qetil kerdî, aşma ewil ê 2018an de zî 28 cinî qetil kerdê.

 

Heto bîn ra sera 54ê cinîyan hetê camêrdê ke nas kenê ra ameyê qetilkerdiş. Bi sebebê destveradayîş, veradayîş, redkerdişê pêvînayîşî, qerarê derheqê cuya xo de ameyê qetilkerdiş. Sera 18 zî bi hawayêke guman cuya xo vinî kerdê.  Sera 7 întîxar kerdê. Sera 14 zî hetê camêrdan ra ameyê qetilkerdiş.

 

Wextê îqtîdarê AKPî de şîdetê serê cinîyan zî zêde bîyo. 2017 de 354 cinî rastê şîdetê camêrdan ameyî û aşma ewil ê emsarî de 34 cinî rastê şîdetî ameyî. Kîşte bîne de zî  147 domanî rastê îstîsmaro zayendî ameyî û 10 domanî ameyî qetilkerdiş.