AMED - Mehmet Emîn Ozkano ke hepisxane de çar rey krîzê qelbî derbaz kerd, roqılan ra emelîyat bîyo û nêweşê tansîyonî yo. Pêwa raporê ‘nêeşkeno hepisxane de bimano' nîno tahlîyekerdiş. Kêna Mehmetî, Selma seba tahlîyekredişê veng da her kesî ke hîsgêr bê.

 

Mehmet Emîn Ozkano 80 serre ke cezaya muebetê giran ci rê ameyo birnayîş û bi 22 serrî ke hepisxane de yo, bi xetereyê ke cuya xo vinî bikero dir rî bi rî yo. Mehmeto ke hepisxaneyê  Tîpa D yê Amedî hepisxaneyê, heta nika xeylê rey ameyo surgunkerdiş û 4 rey krîzê qelbî derbaz kerdo. Goreyê  raporê nêweşxaneyî yeno vatiş ke 'nêeşkeno hepisxane de bimano' la heyetê weşî vano ke ‘nêweşî çin yo'.

 

Selma Ozkan dîyar kerde ke pîyê aye  1996an de ameyo tepiştiş û xeylê nêweşîyê ci estê û wina va: "Hîrê birayê mi zî hepsî yê. Seba ke ma birayê mi sewqê verê pîyê mi bikerê, ma muracat kerd. La bi sebebê ca çin yo nêame qebûlkerdiş."

 

Selma ard ziwan ke pîyê aye xêrê embazê koxuşe serê lingan de vindeno û wina va: "Hema hema her roje pîyê mi benê nêweşxane. Ganî nno hal peynî bo. Ez vengdayîşê hîsgêrî kena. 36 serre ceza dayê pîyê min. Ma veng danê heme kesî ke hemverê caardişê hepisxaneyî bêveng nêmanê."