ŞIRNEX -  Mudirê mektebê Îmam Hatîpî yê Anadolu yê Cizîrî M.Tyî mamostayanê cinîyan ser de bi mehneya wendekarê camêrd texrîb benê ro xoradayişê verbendikê sipî ferz kerd.

 

Vejîya raşte ke Mudirê Mektebê Îmam Hatîpî yê Anadolu yê Cizîrî M.Tyî mamostayanê cinîyan ser de bi mehneya wendekarê camêrdî yê korî texrîb benê ro xoradayişê verbendikê sipî ferz kerd. Ame zanayiş ke mudirê binameyê M.Tyî Gumgumî ra tayînê mudirîya Mektebê Îmam Hatîpî yê Anadolu yê Cizîrî bîyo û çend aşmî verê cu wendekarêko asgent derb kerdo. Her çiqas ke derheqê ci de gere û tehqîqat bêrî dest pêkerdişî zî heta nika çîyêk daxî nêameyo kerdiş û hema zî karê xo ser de yo. Mamostayê mektebî hêrs û reaksîyon nîyan dayî.

 

Mamostayê cinî reaksîyon nîşan dayî mudir M.Tyî ro û xoradayişê verbendikê sipî red kerdî. herçiqas ke reaksîyon bêrî nîşandayiş zî  zext û ferzkerdişê xoradayişê verbendikê sipî dewam kenî.

 

Tehqîqat dîya dest pêkerdiş

 

Wendekarê mektebî zî reaksîyon nîşan dayî mudirî ro û îdîa kerdî ke mudir înan rê vato ‘Ez do şima biveşêna, perîşan bikera.’ Wendekarê mektebî hetê mudirî ra ameyî tehditkerdiş. Ame zanayiş ke wendekarê ke betlane de ameyî têhet bi mehneya ‘kincê şima ca de nîyî’ hetê M.Tyî ra 3 kîlometre ameyî meşnayiş û M.Tyî wendekarêko asteng kuto. Badê hedîseyî derheqê M.Tyî de tehqîqat dîyayo dest pêkerdiş.