EFRÎN - Temsîlkara Heyetê Cinîyan Kantonê Efrînî Zelûx Reşîde derheqê hêrişê dewleta tirkî yê serê Efrînî de ewnîyayîşê xo ard ziwan û bale ante ser xoverdayîşê şarî û va: "Şarê Efrînî bi xoverdayîşê xo yê  bêhempa do mohrê rîpelê tarîxî yê zerdîn pirodo."

 

Hêrişê dewleta tirkî yê ser Efrînî dewam kenê. Netîceyê bombayê ke ser şarê Efrînî de varenê û bi eştişê topan xeylê sivîlî cuya xo vinî kerdî. Temsîlkara Heyetê Cinîyan Zelûx Reşîde derheqê hêrişê ser Efrînî de ewnîyayîşê xo ardî ziwan û va kes nêeşkeno bi asanî herra Efrînî îşgal bikero.

 

'Kesêk nêeşkeno beyraqa xo ser herra Efrînî de dalaqno'

 

Zelûxe nêrazîbîyayîşê xo yê hemverê hêrişê ser Efrînî de ard ziwan û wina va: "Dewleta tirkî vatêne ke ma do hîrê rojan de beyraqa xo  Efrîn de dalaqnê. Şarê Kurdî wayîrê îradeyêke azad û xurt ê, kesêke nêeşkeno îradeyê ma bişikno. Ma do vajê ya merdiş ya zî herra ma, ma do têkoşînê xo dewam bikerê."

 

'Girêdayîşê serê herra ma hîna zêde beno'

 

Zelûxe ard ziwan ke tirkî çiqas hêrişê Efrînî kenê, girêdayîşê serê herra înan hîna zêde beno û wina va: "Na herre bi gonya xoverdayoxê azadî ameya awdayîş. No semed ra ma hende lez fek herra xo ra vera nêdanê û ma do heta peynî têkoşîn bikerê. Serkewtiş do ê ma bo."