MERKEZÊ XEBERAN - Vakurê Mozambîkî de cinî û domanî seba ke xo biresnê awe pake bi kîlometreyan rayîr de şênê. Mozambîkîyan dîyar kerdî ke awa ke ancenê pak nîya û va: "No seba ma problemêke pîl o. Seba şerkerdişê merdiman o."

 

Eyaletê Nîassa yê Vakurê Mozambîkî, sera 21ê komelî wayîrê heqê şert û mercê weşîyeyê û sera 42 zî eşkenê awa pake peyda bikerê. Beşo ke maneno zî seba çinbîyayîşê awe koç kenê ya zî bi kîlometreyan rayîr  şinê û awe anê. Bi taybet zî cinî û domanî nê karî kenê.

 

‘Merdimî şer kenê'

 

Madalena Wîssîquîsseya 52 serrî dîyar kerde ke seba awe şinê çem û va reyan ser çemî de şer kenê û veng ageyrenê. Madalena ard ziwan ke seba problemê awe dej ancenê û va: "Ma problemêke pîl awe ancenê. No semed ra pêrodayîş vejênê."

 

Eudîcîa û embaza aye Josefîna hîna 12 serrî yê. Di domanî mecbûrê awe bîyarê û hewte ra 4 rojan şinê mektebe. Eudîcîa dîyar kerde ke qet nê karî ra hes nêkena û awe zaf dûrîya û no semed ra qet kêfweş nîya.

 

'Seba ke ez nêşina mektebe bêkêf a'

 

Josefîna ard ziwan ke xeyalê aye en pîl a ya ke bibo mamoste û wina wa: "Ez roje ra hîrê rey şina çem. Seba ke nêşina mektebe bêkêf a. 4 wayê û 3 birayê mi estê. Eudîcîa embaza min a en baş a. Ma pîya şinê serê çem î."

 

Çime: The Guardian

 

Çarnaye: JINNEWS