ENQERE - Hetê ke polîtîkayê hukmetî rexne kerdî, bi talîmatê serekê pêroyîyê AKPî Tayyîp Erdoganî ra cigêrayîş ame akerdiş, ya ameyî tepiştiş ya zî ameyî îxrackerdiş.

 

11 doktorê endamê TTBî ke hemverê hêrişê Efrînî vengdatîşê ‘aştîye' kerdî hetê Serekê Pêroyîyê AKPî Tayyîp Erdoganî ra bi vatişê ‘heskerdoxê terorî' hedef ameyî girewtiş û 4 rojî yo tepişnayeyê. Hemverê tepiştişê endamê TTBî her ca de reaksîyon ame mojnarayîş.

 

Hukmkerdiş xebityeno

 

Bi hezaran kesê heta nika reaksîyon hemverê şerî dayî û polîtîkayê hukmatî rexne kerdî hetê serekê pêroyîyê AKPî Tayyîp Erdoganî ra sey 'heskerdoxê terorî’, ‘Ê nê terorîstan wayîr kenê' hedef ameyî mojnarayîş. Bi hezaran kesî bi vatişê nefretînê rastê lînçî ameyî, derheqê înan de cigêrayîş ame destpêkerdiş, ameyî tepiştiş, ya ameyî tewqîfkerdiş ya zî ameyî îxrackerdiş.

 

Vernê de akademîsyenî hedef ameyî girewtiş

 

Dimayê weçînayîşê 7ê Hezîrana 2015an, şerê Vakurê Kurdistanî amebi destpêkerdiş û akademîseyanan 11ê Çele 2016an de vilawika ‘Ma nêbenê hemkarê nê sucî' weşênayî û dima ra hetê Tayyîp Erdoganî ra hedef ameyî girewtiş.

 

Seba şaredarîyan talîmatê qeyûm

 

Hedefê Tayyîp Erdoganî ke kewtib nêçîre, na rey zî şaredarîyê DBPî estbî. 16ê Hezîrana 2016 de beşdarbîyayîşê werdêke fitarî de şaredarîyê DBPî hedef mojna ra û va çi hewce bo do bikerê. Pêroyî de bi talîmatê ey qayûm tayînê 94 şaredarîyê DBPî bî. Hemşaredar ameyî tepiştiş û xebatkarî ameyî îxrackerdiş.

 

Destnêdayîş ameyî wedartiş

 

Dimayê qayûman dore amî parlamenterê HDPî. Çarçeweya plana ‘berdayîş' 21ê Gulana 2016 de roniştişê ke ame kerdiş de destnêdayîşê parlamenterê HDPî bi vengê AKP, CHP û MHPî ame wedartiş. Sere de hemserekê HDPî pêroyî 9 parlamenterê HDPî ameyî tepiştiş, parlamenterîyê 5 parlamenteran ame vistiş.

 

Pawitoxê heqê merdiman ameyî tepiştiş

 

Nêçîrê hemverê muxalîfan amebi destpêkerdiş de dewam kerd. 6ê Temmuza 2017an de Girava Gird ya Stenbolî de 10 pawitoxê heqê merdiman kombîyayîş de ameyî tepiştiş.

 

En peynî zî 11 doktorê endamê Konseya Merkezê TTBî bi sebebê ke vengdayîşê aştîye kerdî ameyî tepiştiş.